37views
اسلام آباد 16 نومبر (ایجنسی) داعش کے مقامی گروپ سے تعلق رکھنے والے نقاب پوش موٹر سائیکل سواروں نے فائرنگ کر کے جماعت اسلامی سے تعلق رکھنے والے مقامی رہنما کو باجوڑ میں قتل کر دیا۔ایک سینیئر پولیس اہلکار وقار رفیق نے خبر رساں ادارے اے ایف پی کو بتایا کہ “جماعت اسلامی کے رہنما صوفی حمید کو مغرب کی نماز کے بعد مسجد سے نکلتے ہوئے دو نقاب پوش مسلح افراد نے فائرنگ کر کے قتل کر دیا۔”داعش خراسان نے سماجی رابطے کی ویب سائٹ ٹیلی گرام پر بیان جاری کیا کہ “اس کے اہلکاروں نے مرتد سیاسی جماعت کے عہدیدار کو گولی مار دی۔”داعش خراسان نے حالیہ عرصے میں سیاسی جماعتوں پر حملوں کا سلسلہ بڑھا دیا جس میں گزشتہ سال باجوڑ میں ایک ریلی کو بھی نشانہ بنایا گیا جس میں 23 بچوں سمیت کم از کم 54 افراد ہلاک ہو گئے تھے۔
