307views
ایران نے بھارت سمیت مزید 33 ملکوں سے آنے والے لوگوں کیلئے ویزا ضابطوں کو یکطرفہ طور پر منسوخ کرنے کا فیصلہ کیا ہے۔ اِس فہرست میں روس، سعودی عرب، قطر، جاپان اور متحدہ عرب امارات بھی شامل ہے۔ اِس فیصلے کا مقصد سیاحوں کی آمد میں اضافہ کرنا اور پوری دنیا کے ملکوں سے مزید سیاحوں کو راغب کرنا ہے۔ ایران کے ثقافتی ورثے، سیاحت اور دستکاری کے وزیر Ezaatollah Zarghami نے بتایا کہ سیاحت کو فروغ دے کر، ایران کے تعلق سے خوف پیدا کرنے والی مہم کو بے اثر کیا جاسکتا ہے۔ اِس فیصلے کے نتیجے میں اب 45 ملکوں یا علاقوں کے لوگ بغیر ویزا کے ایران کا دورہ کرسکیں گے۔
