امریکی صدر ڈونلڈ ٹرمپ ستمبر میں پاکستان کا دورہ کریں گے

اسلام آباد ، 17 جولائی (یو این آئی) امریکی صدر ڈونلڈ ٹرمپ کے جنوبی ایشیا کے دورے کے دوران ستمبر میں پاکستان پاکستان کا دورہ کریں گے۔تفصیلات کے مطابق ذرائع کی جانب سے کہا گیا ہے کہ امریکی صدر ڈونلڈ ٹرمپ 18 ستمبر کو پاکستان کا دورہ کریں گے ، وہ جنوبی ایشیا کے دورے کے دوران ہندوستان بھی جائیں گے۔ذرائع نے بتایا کہ امریکی صدر دہلی میں کواڈ لیڈرز سمٹ میں شرکت کریں گے اور دہلی روانگی سے قبل اسلام آباد میں قیام کریں گے ، اسلام آباد سے دہلی روانہ ہو کر کواڈ سمٹ میں شرکت کریں گے۔اس حوالے سے پیپلز پارٹی کی سینیٹر شیری رحمان نے اے آر وائی نیوز سے خصوصی گفتگو میں کہا امریکی صدر ڈونلڈٹرمپ کا پاکستان آنا اچھی خبر ہے کہا جا رہا ہے کہ امریکی صدر ساؤتھ ایشیا کا دورہ کریں گے۔ان کا کہنا تھا کہ امریکی صدر کے دورے کی ابھی رپورٹس ہیں تصدیق ابھی ہونی ہے، وزارت خارجہ سے امریکی صدر کے دورے کی تصدیق ہوگی۔شیری رحمان نے کہا کہ امریکی صدر پاکستان اور ہندوستان آتے ہیں تو ثالثی کامعاملہ زیربحث آناچاہیے، انھوں نے پاکستان کا رخ کیا تو یہ اچھی خبر اور بہتری کی نوید ہے، وہ پاکستان آئے تو اپنے ایجنڈے لیکر آئیں گے۔ان کا کہنا تھا کہ امریکی صدر ٹیرف کی نئی جنگ میں مصروف ہیں تاہم خبر سنی ہے کہ امریکی صدر ٹیرف کےمعاملے پرلچک کا مظاہرہ کریں گے۔پیپلز پارٹی کی سینیٹر نے کہا کہ پاکستان ،ہندوستان میں سیزفائر نازک ہے ابھی سرد جنگ چل رہی ہے ، مجھے امید ہےامریکی صدر کی پاکستان۔ ہندوستان تنازع اور دیگر امور پر نظر ہوگی، امریکہ کے ساتھ توازن رکھنا ہر ملک کیلئے بہتری ہوگی۔