طارق رحمن نے بنگلہ دیش کے وزیر اعظم عہدہ کا لیا حلف

50 وزراء میں 41 نئے چہرے شامل

ڈھاکہ، 17 فروری:۔ (ایجنسی) بنگلہ دیش میں نئی حکومت کی تشکیل ہو گئی ہے۔ بی این پی (بنگلہ دیش نیشنلسٹ پارٹی) کے صدر طارق رحمن نے وزیر اعظم عہدہ کا حلف لے لیا ہے۔ انھیں صدر محمد شہاب الدین نے حلف دلایا۔ یہ تقریب قومی پارلیمنٹ ہاؤس کے ساؤتھ پلازہ میں منعقد ہوئی۔ طارق رحمن کی حلف برداری کے بعد وزراء اور وزرائے مملکت نے بھی حلف لیا۔ صدر نے ہی سبھی کو عہدہ اور رازداری کا حلف دلایا۔ حلف برداری کے ساتھ ہی طارق رحمن کی قیادت میں نئی حکومت کی رسمی شروعات ہو گئی ہے۔ تقریباً 2 دہائی بعد بی این پی کی قیادت والی حکومت پھر سے برسراقتدار ہوئی ہے۔ 12 فروری کو ہوئے انتخاب میں بی این پی نے 209 سیٹیں جیتی ہیں، جبکہ اس کی اتحادی پارٹیوں نے 3 سیٹیں حاصل کی ہیں۔ نئی حکومت کی کابینہ 50 اراکین پر مشتمل ہے۔