ثالثوں کے طور پر ترکیہ اور قطر نے دونوں فریقوں کی فعال شرکت پر اطمینان کا اظہار کیا
استنبول۔ 31؍ اکتوبر۔(ایجنسیاں) ۔ پاکستان اور افغان طالبان نے جمعہ کو جنگ بندی جاری رکھنے پر اتفاق کیا، اور اگلی ملاقات 6 نومبر 2025 کو ہونے والی ہے، جس میں عمل درآمد کے لیے مزید طریقوں پر تبادلہ خیال کیا جائے گا۔ استنبول میں مذاکرات کے بعد جاری ہونے والے مشترکہ بیان کے مطابق پاکستان اور افغانستان کے درمیان مذاکرات ترکی اور قطر کی ثالثی میں استنبول میں ہوئے۔ترک وزارت خارجہ کی طرف سے جاری مشترکہ بیان کے مطابق، افغانستان، پاکستان، ترکی اور قطر کے وفود نے 25 سے 30 اکتوبر 2025 تک استنبول میں ملاقات کی، جس میں ترکی اور قطر کی ثالثی سے 18-19 اکتوبر 2025 کو دوحہ میں طے پانے والی جنگ بندی کو مستحکم کیا گیا۔بیان میں کہا گیا ہے کہ تمام فریقین جنگ بندی جاری رکھنے پر متفق ہو گئے ہیں۔ “اس کے نفاذ کے لیے مزید طریقوں پر تبادلہ خیال کیا جائے گا اور 6 نومبر 2025 کو استنبول میں ایک پرنسپل سطح کے اجلاس میں فیصلہ کیا جائے گا۔”اس میں مزید کہا گیا کہ تمام فریقوں نے امن کی بحالی کو یقینی بنانے اور خلاف ورزی کرنے والے کسی بھی فریق پر جرمانے عائد کرنے کے لیے نگرانی اور تصدیق کا طریقہ کار قائم کرنے پر اتفاق کیا۔ثالثوں، ترکی اور قطر نے، پاکستان اور افغان طالبان دونوں کی فعال مصروفیت کو سراہتے ہوئے، دیرپا امن اور استحکام کے حصول کے لیے مذاکرات میں سہولت کاری جاری رکھنے کے لیے اپنی تیاری کا اعادہ کیا۔یہ پیشرفت اسلام آباد کی جانب سے اس اعلان کے بعد سامنے آئی ہے کہ ترکی اور قطری ثالثوں کی بھرپور کوششوں کے باوجود مذاکرات کا پچھلا دور ناکام ہو گیا تھا۔تمام فریقین نے ایک مانیٹرنگ اور تصدیقی نظام قائم کرنے پر اتفاق کیا ہے جو امن کے تسلسل کو یقینی بنائے گا اور معاہدے کی خلاف ورزی کرنے والے فریق پر سزا عائد کرے گا۔مشترکہ اعلامیے میں کہا گیا کہ ثالثوں کے طور پر ترکیہ اور قطر نے دونوں فریقوں کی فعال شرکت پر اطمینان کا اظہار کیا ہے اور پائیدار امن و استحکام کے لئے تعاون جاری رکھنے کے عزم کا اعادہ کیا۔ واضح رہے پاکستان نے میزبانوں کی درخواست پر افغانستان سے مذاکرات دوبارہ شروع کرنے پر رضامندی ظاہر کی تھی۔ ، اس مقصد کے لیے پاکستانی وفد جو واپس روانہ ہونے والا تھا اب استنبول میں مزید قیام کیا۔ مذاکراتی عمل کو دوبارہ جاری رکھ کر امن کو ایک اور موقع دینے کا فیصلہ کیا گیا ، مذاکرات اسی مالبے پر ہوئے کہ افغانستان دہشت گردوں کے خلاف واضح، قابلِ تصدیق اور مؤثر کارروائی کرے، پاکستان نے ایک بار پھر زور دیا ہے کہ افغان سرزمین پاکستان کے خلاف دہشت گردی کے لیے استعمال نہ ہو۔
