ملک شام اور اسرائیل کے درمیان براہِ راست مذاکرات کا امکان: ایکسیوس
ماسکو، 02 نومبر (یو این آئی) ملک شام کے عبوری صدر احمد الشّرع کے واشنگٹن دورے کے بعد ملک شام اور اسرائیل کے درمیان براہِ راست مذاکرات ہونے کی امید ہے۔ یہ اطلاع ہفتہ کو ایکسیوس کے صحافی باراک ریوڈ نے دی، جنہوں نے ملک شام کے لیے امریکہ کے خصوصی ایلچی ٹام بیرک کے حوالے سے یہ بات بتائی۔ریوڈ نے ایکس پر لکھا، ’’امریکہ کی ثالثی میں اسرائیل اور ملک شام کے درمیان براہِ راست مذاکرات کا پانچواں دور، صدر الشّرع کے واشنگٹن کے دورے کے بعد ہونے کی امید ہے۔‘‘ٹام بیرک کے مطابق، امریکہ کی کوشش ہے کہ سال کے اختتام تک دونوں ممالک کے درمیان ایک سکیورٹی معاہدہ طے پا جائے۔ستمبر میں اسرائیلی وزیرِاعظم بنیامین نیتن یاہو نے شام کے ساتھ سکیورٹی مذاکرات میں پیش رفت کا اعلان کیا تھا۔اس دوران، شامی عبوری صدر احمد الشّرع نے کہا کہ ملک شام اسرائیل کے ساتھ ایک سکیورٹی معاہدے پر دستخط کرسکتا۔
