جنوبی افریقہ کے ڈربن میں سڑک حادثہ، 11 ہلاک

ڈربن، 30 جنوری (ہ س)۔ جنوبی افریقہ میں ڈربن کے پاس جمعرات کی صبح سڑک حادثے میں ایک بچے سمیت کم از کم 11 لوگوں کی موت ہو گئی۔ یہ حادثہ کوازولو-نٹال میں ہوا۔ اطلاع ملتے ہی راحت اور بچاو اہلکار موقع پر پہنچے۔دی ساوتھ افریقن کی رپورٹ کے مطابق، ٹرک اور منی بس کی براہ راست ٹکر میں 11 لوگوں کی جان چلی گئی۔ کئی دیگر شدید طور پر زخمی ہو گئے۔ زخمیوں کو پاس کے ابتدائی طبی امداد کے مرکز لے جایا گیا۔ کئی لوگ ابھی بھی منی بس میں پھنسے بتائے گئے ہیں۔ اسکائی نیوز کی رپورٹ کے مطابق، مقامی محکمہ ٹرانسپورٹ کے افسر سبونیسو ڈوما نے اس حادثے میں 11 لوگوں کے مرنے کی تصدیق کی ہے۔ انہوں نے بتایا کہ مہلوکین میں ایک بچہ بھی شامل ہے۔ زخمیوں میں منی بس کا ڈرائیور بھی شامل ہے۔ اس واقعہ سے ایک ہفتہ قبل جوہانسبرگ میں ہوئے سڑک حادثے میں 14 اسکولی بچوں کی موت ہو گئی تھی۔