National

انڈیا الائنس کو اپنے طور پر 300 سے زیادہ سیٹیں مل رہی ہیں: اروند کیجریوال

105views

دہلی کے وزیر اعلی اروند کیجریوال بی جے پی پر مسلسل حملے کر رہے ہیں۔ منگل (21 مئی) کو انہوں نے ایک پریس کانفرنس میں ایک بار پھر بی جے پی اور اس کے لیڈروں کو نشانہ بنایا۔ انہوں نے کہا کہ ’’یوگی جی نے بھی مجھے گالیاں دیں۔ آپ سے میں نہایت عاجزی سے کہنا چاہوں گا کہ آپ کے اصل دشمن آپ کی اپنی پارٹی میں بیٹھے ہیں۔ بی جے پی میں اپنے دشمنوں سے نمٹئے۔ کیجریوال کو کیوں گالی دے رہے ہیں؟‘‘

اروند کیجریوال نے یوگی آدتیہ ناتھ کو مخاطب کرتے ہوئے مزید کہا کہ وزیر اعظم مودی اور وزیر داخلہ امت شاہ آپ کو ہٹانا چاہتے ہیں۔ آپ کو یوپی سے ہٹانے کی تیاریاں کی جاری ہیں۔ آپ پہلے ان سے نمٹیے۔ اسی کے ساتھ انہوں نے یہ بھی کہا کہ اگر انڈیا کو بچانا ہے تو انڈیا الائنس کو جتنا ہے۔ کیجریوال نے کہا کہ انتخابات کا پانچواں مرحلہ مکمل ہو چکا ہے۔ جیسے جیسے انتخابات ہو رہے ہیں، یہ واضح ہوتا جا رہا ہے کہ 4 جون کو مودی سرکار جا رہی ہے اور انڈیا الائنس کی حکومت بننے جا رہی ہے۔ کچھ لوگوں نے سروے کرائے ہیں اور جو نتائج سامنے آ رہے ہیں اس سے صاف ہے کہ 4 جون کو انڈیا الائنس کو اپنے طور پر 300 سے زیادہ سیٹیں مل رہی ہیں۔ انڈیا الائنس ملک کو صاف ستھری اور مستحکم حکومت دینے کی سمت آگے بڑھ رہا ہے۔

مرکزی وزیر داخلہ امت شاہ کو نشانہ بناتے ہوئے کیجریوال نے کہا کہ ’’کل دہلی میں امت شاہ نے عام آدمی پارٹی کے حامیوں کو پاکستانی کہا۔ کیا پنجاب کے لوگ پاکستانی ہیں؟ کیا دہلی کے لوگ پاکستانی ہیں؟ کیا گجرات یا گوا کے لوگ پاکستانی ہیں؟ گجرات کے 14 فیصد لوگوں نے عام آدمی پارٹی کو ووٹ دیا، کیا وہ پاکستانی ہیں؟ یہ کیسی زبان ہے؟ وزیراعظم نے آپ کو اپنا جانشین چنا ہے تو کیا آپ میں اتنا تکبر آ گیا گیا ہے؟ میں آپ کو بتا دوں کہ آپ وزیراعظم نہیں بن رہے اور آپ کی حکومت بھی 4 جون کو نہیں بن رہی ہے۔‘‘

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.