کونو نیشنل پارک میں پھر گونجی کلکاری، نامیبیائی چیتا ’جوالا‘ نے تین بچوں کو دیا جنم، دیکھیں ویڈیو
ہندوستان میں چیتا کی آبادی بڑھانے کی کوششیں لگاتار جاری ہیں۔ اس پروجیکٹ کو آج اس وقت ایک بڑی کامیابی ملی جب مدھیہ پردیش کے کونو نیشنل پارک میں ایک بار پھر ننھے چیتوں کی کلکاریاں گونجیں۔ دراصل نامیبیا سے لائی گئی مادہ چیتا ’جوالا‘ نے تین ننھے چیتوں کو جنم دیا ہے۔ اس سلسلے میں مرکزی وزیر ماحولیات بھوپیندر یادو نے سوشل میڈیا پر ویڈیو شیئر کرتے ہوئے جانکاری دی ہے۔
Kuno’s new cubs!
Namibian Cheetah named Jwala has given birth to three cubs. This comes just weeks after Namibian Cheetah Aasha gave birth to her cubs.
Congratulations to all wildlife frontline warriors and wildlife lovers across the country.
May Bharat’s wildlife thrive… pic.twitter.com/aasusRiXtG
— Bhupender Yadav (@byadavbjp) January 23, 2024
منگل کے روز سوشل میڈیا پلیٹ فارم ’ایکس‘ پر ویڈیو شیئر کرتے ہوئے بھوپیندر یادو نے لکھا ہے کہ ’’کونو کے نئے ننھے چیتے! جوالا نام کی نامیبیائی مادہ چیتا نے تین بچوں کو جنم دیا ہے۔ ی نامیبیائی مادہ چیتا آشا کی طرف سے تین بچوں کی پیدائش کے کچھ ہی ہفتہ بعد ہوا۔ وائلڈ لائف سے محبت کرنے والے سبھی لوگوں کو مبارکباد۔ ہندوستان میں اسی طرح وائلڈ لائف پھلے پھولے۔‘‘
قابل ذکر ہے کہ کچھ دن قبل ہی نامیبیائی چیتا آشا نے بھی تین بچوں کو جنم دیا تھا۔ حالانکہ ایک ہفتہ قبل ایک چیتا کی موت کی خبر بھی کونو نیشنل پارک سے آئی تھی جس کے بعد اب تین نئے بچوں کی پیدائش کی خبر سے وائلڈ لائف افسران میں خوشی کا ماحول ہے۔ خوشی کی بات یہ بھی ہے کہ نامیبیائی چیتے دھیرے دھیرے خود کو ہندوستانی آب و ہوا میں بہتر محسوس کرنے لگے۔ اب نامیبیائی مادہ چیتوں کے ذریعہ افزائش نسل کا عمل شروع ہونے سے ’چیتا پروجیکٹ‘ کو لے کر امیدیں کافی بڑھ گئی ہیں۔
