JharkhandWest Singhbhum

چکردھر پور کے بیکنٹھ سائی اپارٹمنٹ میں لفٹ گرنے سے گارڈ کی موت

115views

مغربی سنگھ بھوم، 19 اکتوبر :۔ چکردھر پور کے کسم کنج روڈ پر تارا نکیتن کے نزدیک بیکنٹھ سائی اپارٹمنٹ میں لفٹ گرنے سے ایک سیکورٹی گارڈ کی موت ہوگئی۔ یہ واقعہ بدھ کی رات پیش آیا۔ واقعہ کی اطلاع ملتے ہی چکردھر پور تھانہ انچارج چندر شیکھر کمار اپنی ٹیم کے ساتھ موقع پر پہنچے اور معاملے کی جانچ شروع کی۔
چندر شیکھر کمار نے بتایا کہ پنسوواں گاوں کا رہنے والا لکشمن پردھان معمول کے مطابق ڈیوٹی پر کام کر رہا تھا۔ اسی دوران فلیٹ میں لفٹ میں کام کرتے ہوئے لفٹ گر گئی اور وہ لفٹ کے نیچے دب کر موقع پر ہی دم توڑ گیا۔ اپارٹمنٹ کے مکینوں سے بھی پوچھ گچھ کی گئی۔ پولیس کی جانب سے فارینسک ٹیم سے بھی رابطہ کیا گیا ہے۔ یہ واضح نہیں ہے کہ گارڈ کی موت کن حالات میں ہوئی۔ فی الحال پولس معاملے کی جانچ کر رہی ہے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.