’ ہم واپس آئیں گے‘ کے نعرے کے ساتھ سابق وزیر اعلیٰ رگھوور داس بی جے پی میں دوبارہ شامل
جدید بھارت نیوز سروس
رانچی، 10 جنوری:۔ جھارکھنڈ کے سابق وزیر اعلیٰ اور اوڈیشہ کے سابق گورنر رگھوور داس آج جمعہ (10 جنوری 2025) کو ‘ہم واپس آئیں گے ‘ (We will come back)کے نعرے کے ساتھ بھارتیہ جنتا پارٹی (بی جے پی) میں شامل ہوگئے۔ بی جے پی کی رکنیت لینے کے بعد وہ پریس کانفرنس سے بھی خطاب کریں گے۔ اس پروگرام میں جھارکھنڈ بی جے پی کے ریاستی صدر اور ریاست کے پہلے وزیر اعلیٰ بابولال مرانڈی، بی جے پی کے کارگزار صدر ڈاکٹر رویندر کمار رائے، علاقائی تنظیم کے جنرل سکریٹری ناگیندر ترپاٹھی، ریاستی تنظیم کے جنرل سکریٹری کرماویر سنگھ اور ریاستی ممبر شپ انچارج راکیش پرساد موجود ہوں گے۔
تبدیلی مذہب کے خلاف مہم چلائیں گے
رگھوور داس 31 اکتوبر 2023 سے 2 جنوری 2025 تک اڈیشہ کے گورنر رہے۔ وہ اوڈیشہ کے 26ویں گورنر بنے۔ اوڈیشہ کے گورنر کے طور پر حلف لینے سے پہلے انہوں نے بی جے پی کی بنیادی رکنیت سے استعفیٰ دے دیا تھا۔ اب گورنر کے عہدے سے استعفیٰ دینے کے بعد وہ دوبارہ پارٹی کی رکنیت لینے جا رہے ہیں۔ رگھوور داس نے فعال سیاست میں واپسی کا اعلان کیا ہے۔ انہوں نے یہ بھی کہا ہے کہ وہ مذہب کی تبدیلی کے خلاف مہم شروع کریں گے۔
پارٹی سے لے کر حکومت چلانے کا تجربہ ہے
جھارکھنڈ کے سابق وزیر اعلیٰ رگھوور داس کو تنظیم چلانے سے لے کر حکومت چلانے تک کا تجربہ ہے۔ ان کے پاس مسلسل 5 سال تک وزیر اعلیٰ رہنے کا ریکارڈ ہے۔ سال 2019 میں بی جے پی نے سب سے زیادہ سیٹیں حاصل کی تھیں۔ پھر پارٹی نے رگھوور داس کو وزیر اعلیٰ بنایا۔ حلف لینے کے بعد رگھوور داس نے کہا تھا کہ وہ وزیر اعلیٰ نہیں بلکہ عوام کے خادم ہیں۔ سرکاری ملازم کے طور پر کام کریں گے۔
