اسرائیلی حملے میں ملازمین کی شہادت کے بعد فوڈ چیریٹی نے غزہ میں مہم کو روک دیا

لندن، یکم دسمبر (یو این آئی) چیریٹی ورلڈ سینٹرل کچن (ڈبلیو سی کے) نے کہا ہے کہ وہ غزہ میں اپنے عملے کو لے جانے والی ایک گاڑی کے اسرائیلی فضائی حملے کی زد میں آنے کے بعد اپنا کام معطل کر رہا ہے۔بی بی سی کی ایک رپورٹ کے مطابق اسرائیل ڈیفنس فورسز (آئی ڈی ایف) نے کہا کہ حملے کا ہدف 7 اکتوبر کو اسرائیل پر ہونے والے حملوں میں ملوث تھا اور اس وقت ڈبلیو سی کے میں خدمات انجام دے رہا تھا۔ڈبلیو سی کے نے کہا کہ اسے یہ بتاتے ہوئے افسوس ہورہا ہے کہ عملے کو لے جانے والی ایک گاڑی کو ٹکر ماردی گئی ہے اور وہ مزید معلومات مانگ رہا ہے، حالانکہ اس نے کار میں سوار کسی بھی شخص کا 7 اکتوبر کے حملوں سے منسلک ہونے کی معلومات سے انکار کیا ہے۔فلسطین کی سرکاری خبر رساں ایجنسی وفا نے اطلاع دی ہے کہ ہفتے کے روز جنوبی غزہ کے خان یونس میں ہونے والے حملے میں پانچ افراد مارے گئے، جن میں سے ڈبلیو سی کے کے تین ملازم تھے۔ایجنسی نے کہا کہ ان میں غزہ میں ڈبلیو سے کے کچن کے ڈائریکٹر بھی شامل تھے۔ برٹش امدادی ادارے ’سیو دی چلڈرن‘ نے الگ سے کہا کہ اس کے عملے کے ایک رکن کو بھی ہفتہ کی دوپہر خان یونس ہلاک کردیاگیا۔ چیریٹی نے بتایا کہ 39 سالہ احمد فیصل اسلام القادی اپنی اہلیہ اور تین سالہ بیٹی کے ساتھ مسجد سے گھر واپس آ رہے تھے تبھی ان کا قتل کردیاگیا۔سیو دی چلڈرن نے ایک بیان میں کہا، “احمد، جو بہرا تھا، کو دوسروں کی مدد کرنے کے عزم، اپنی بیٹی پر فخر اور دوسروں کے دن روشن کرنے کی صلاحیت کے لیے یاد رکھا جائے گا۔”