ہندوستانی خواتین کی ہاکی ٹیم اگلے دو میچوں میں جرمنی سے کرے گی مقابلہ
بھوبنیشور، 17 فروری (ہ س)۔ ہندوستانی خواتین کی ہاکی ٹیم ایف آئی ایچ پرو لیگ 25-2024 کے اپنے اگلے میچوں میں اسپین سے مقابلہ کرے گی۔ یہ میچ 18 اور 19 فروری کو یہاں کالنگا ہاکی اسٹیڈیم میں کھیلے جائیں گے۔ ہندوستانی ٹیم میچ کو لے کر بے چین ہے اور جیت درج کرکے پوائنٹس ٹیبل میں اوپر جانے کی کوشش کرے گی۔ سلیمہ ٹیٹے کی زیرقیادت ہندوستانی خواتین کی ہاکی ٹیم اپنے پہلے میچ میں انگلینڈ کے خلاف 3-2 کی سنسنی خیز جیت کے ساتھ شاندار آغاز کرنے کے بعد اپنے دوسرے میچ میں بونس پوائنٹ سے محروم ہوگئی۔ مقررہ وقت میں میچ 2-2 سے برابر رہنے کے بعد ٹیم کو شوٹ آؤٹ میں 2-1 سے شکست کا سامنا کرنا پڑا۔ ہندوستانی خواتین ٹیم فی الحال دو میچوں میں چار پوائنٹس کے ساتھ ٹیبل میں آٹھویں نمبر پر ہے۔ ہندوستانی خواتین ہاکی ٹیم کی نائب کپتان نونیت کور، جو اب تک ٹیم کی سب سے زیادہ اسکورر ہیں، زبردست فارم میں ہیں۔ اس نے دونوں میچوں میں ایک ایک گول اسکور کیا ہے اور ہندوستانی فارورڈ لائن کو استحکام فراہم کیا ہے۔ دوسری طرف اسپین نے ایف آئی ایچ پرو لیگ کے انڈیا لیگ میں جرمنی کے خلاف لگاتار دو جیت درج کی ہے۔ انہوں نے جرمنی کے خلاف لگاتار 1-2 سے جیت حاصل کی، جس سے ہندوستان کے خلاف میچوں سے پہلے ان کے اعتماد میں اضافہ ہوا ہے۔ ان کی حالیہ شاندار کارکردگی کے باوجود سپین کی کارکردگی مجموعی طور پر ملی جلی رہی۔ اب تک کھیلے گئے چھ میچوں میں سے صرف دو میں کامیابی حاصل ہوئی ہے اور ایک شوٹ آؤٹ سے جیتا۔ اسپین جو آٹھ پوائنٹس کے ساتھ ٹیبل میں چوتھے نمبر پر ہے اپنی پوزیشن مزید مضبوط کرنا چاہے گا۔ اسپین کے خلاف آئندہ میچز کے حوالے سے بات کرتے ہوئے بھارتی کپتان سلیمہ ٹیٹے نے کہا کہ ہم اسپین کے خلاف اپنے میچز کا بے صبری سے انتظار کر رہے ہیں۔ وہ (اسپین) ایک مشکل ٹیم ہے اور ہم جانتے ہیں کہ یہ ایک چیلنجنگ میچ ہونے والا ہے۔ تاہم ہماری ٹیم چیلنج کے لیے تیار ہے۔ ہم نے انگلینڈ کے خلاف اپنی کارکردگی کا تجزیہ کیا ہے اور ان شعبوں کی نشاندہی کی ہے جہاں ہمیں بہتر کرنے کی ضرورت ہے، خاص طور پر پینلٹی کارنر کو تبدیل کرنا۔ ہم اپنے دفاع کو مضبوط بنانے اور گول کرنے کے اپنے مواقع سے بھرپور فائدہ اٹھانے پر مرکوز ہیں۔ انہوں نے کہا کہ ہم اہم پوائنٹس اسکور کرنے کی پوری کوشش کریں گے۔ ہندوستانی خواتین ٹیم کا مقابلہ اسپین سے 18 فروری کو شام 15:5بجے اور 19 فروری کو شام 30:7بجے ہوگا۔
