’ایگزٹ پول مینج کیا گیا ہے، انڈیا الائنس یقینی طور پر 295 سیٹیں جیتے گی‘، جے رام رمیش کا دعویٰ

کانگریس لیڈر جے رام رمیش نے لوک سبھا انتخابات 2024 کے ایگزٹ پول پر ردعمل ظاہر کیا ہے۔ انہوں نے کہا ہے کہ آوٹ گوئنگ وزیراعظم، جن کا 4 جون کو رخصت ہونا یقینی ہے، انہوں نے یہ سب منصوبہ بندی کی ہے اور ایگزٹ پولز کو مینج کیا ہے۔ ایگزٹ پولز اور 4 جون کو آنے والے نتائج میں بہت فرق ہوگا۔

#WATCH | Delhi: On exit polls for #LokSabhaElections2024, Congress leader Jairam Ramesh says, “The outgoing PM, the person who will have to leave for sure on June 4 has conspired all these things and have managed the exit polls. There will be a huge difference in exit polls and… pic.twitter.com/EEu863ifbd

— ANI (@ANI) June 2, 2024

خبر رسا ایجنسی اے این آئی سے بات کرتے ہوئے کانگریس کے لیڈر نے ایگزٹ پول کے اندازوں کو خارج کردیا ہے۔ انہوں نے کہا ہے کہ کل انڈیا الائنس کی میٹنگ ہوئی، جس میں ہم نے اعداد و شمار پر تفصیل سے تبادلہ خیال کیا ہے۔ جس کے بعد میں اعتماد کے ساتھ کہہ سکتا ہوں کہ انڈیا الائنس کم از کم 295 سیٹوں پر کامیاب ہوگی، اس لیے ایگزٹ پول کے اندازوں پر یقین کرنا بالکل غلط ہے۔