ای ڈی نے تیجسوی یادو سے زمین کے بدلے نوکری کے معاملے میں تقریباً 8 گھنٹے تک پوچھ گچھ کی
پٹنہ: بہار کی راجدھانی پٹنہ میں انفورسمنٹ ڈائریکٹوریٹ (ای ڈی) کے دفتر میں عہدیداروں نے ریاست کے سابق نائب وزیر اعلیٰ اور آر جے ڈی صدر لالو پرساد کے بیٹے تیجسوی یادو سے زمین کے عوض ملازمت (لینڈ فار جاب) معاملے میں طویل پوچھ گچھ کی۔ آئی اے این ایس کے مطابق، تیجسوی یادو منگل کو تقریباً 11 بجے دفتر پہنچے اور شام 7 بجے دفتر سے باہر نکلے۔
نتیش کمار کی نئی حکومت کو اسمبلی میں ثابت کرنی ہوگی اکثریت، 10 فروری کو ہوگا فلور ٹیسٹ
ذرائع کا کہنا ہے کہ ای ڈی حکام نے تیجسوی سے تقریباً 50 سے 60 سوالات پوچھے۔ اس دوران آر جے ڈی کے کئی لیڈر ای ڈی کے دفتر کے باہر کھڑے رہے۔ اس دوران کارکنوں کی بڑی تعداد بھی دفتر کے باہر موجود تھی۔
آر جے ڈی کے راجیہ سبھا رکن پارلیمنٹ منوج کمار جھا سمیت کئی آر جے ڈی لیڈروں نے مرکزی حکومت پر لالو خاندان اور اپوزیشن کو ہراساں کرنے کا الزام لگایا۔ جھا نے کہا کہ کئی ایجنسیاں بی جے پی کے کہنے پر کام کر رہی ہیں۔ ہم پہلے بھی ان ایجنسیوں سے لڑ چکے ہیں اور اس کے بعد بھی فتح یاب ہوئے ہیں۔
بجٹ اجلاس آج سے شروع ہوگا، کل عبوری بجٹ کل پیش کریں گی وزیر خزانہ نرملا سیتارمن
پیر کو آر جے ڈی صدر لالو پرساد سے بھی اسی معاملے میں پوچھ گچھ کی گئی تھی۔ بی جے پی لیڈر اور سابق نائب وزیر اعلیٰ سشیل کمار مودی نے کہا، ’’ریلوے میں نوکریوں کے بدلے لوگوں کی قیمتی زمینوں کے اندراج کے معاملے میں لالو پرساد اور تیجسوی یادو سے پوچھ گچھ کے دوران ای ڈی پر دباؤ ڈالنے کے لیے حامیوں کی بڑی بھیڑ جمع کی جا رہی تھی۔ افسران کو ڈرانا یہ آر جے ڈی کے مجرمانہ کردار کی نشاندہی کرتا ہے۔ اس سے نہ تو تفتیش رکے گی اور نہ ہی لالو خاندان کو بری کیا جائے گا۔‘‘
انہوں نے کہا کہ منی لانڈرنگ اور ریلوے کی نوکری کے بدلے زمین لینے کے ثبوت ملنے کے بعد سی بی آئی نے چارج شیٹ داخل کی اور اسی بنیاد پر ای ڈی گزشتہ سال سے مسلسل کارروائی کر رہی ہے۔
