جدید بھارت نیوز سروس
چترا،10فروری:۔ ڈی سی رمیش گھولپ کی صدارت میں ● ضلع ہمدردی کمیٹی اور اسٹیبلشمنٹ کا ایک اجلاس چترا کلکٹریٹ واقع ڈی سی آفس میں منعقد ہوا۔ ضلعی ہمدردی کمیٹی کے اجلاس میں مختلف محکموں سے متعلق کل 12کیسز ہمدردی کمیٹی کے ممبران کے سامنے رکھے گئے۔ ڈپٹی کمشنر نے ہمدردی کی بنیاد پر تقرری کے خواہشمند درخواست گزاروں کے تمام ضروری کاغذات کو ایک ایک کرکے چیک کیا۔ جس میں عمر کے سرٹیفکیٹ، تعلیمی سرٹیفکیٹ اور دیگر ضروری دستاویزات کی مکمل چھان بین کے بعد مناسب دستاویزات رکھنے والے درخواست گزار کو شفقت کی بنیاد پر جلد تقرری لیٹر دینے سمیت دیگر ہدایات دی گئیں۔ضلعی ہمدردی سے متعلق کمیٹی کے اجلاس میں کل 12میں سے 3کیسز میں متعلقہ محکمے میں کلرک کے عہدے پر تقرری کی سفارش کی گئی۔ اس کے بعد ڈسٹرکٹ اسٹیبلشمنٹ کمیٹی کے اجلاس میں 81 ملازمین کو سروس کنفرمیشن کا فائدہ دینے کا فیصلہ کیا گیا اور 106 ملازمین کو اے سی پی/ ایم اے سی پی کا فائدہ دینے کا فیصلہ کیا گیا۔اس میٹنگ میں بنیادی طور پر ایس پی وکاس کمار پانڈے، ڈی ڈی سی امریندر کمار سنہا، اے سی اروند کمار، ایس ڈی او سمریہ سنی راج، ایس ڈی او چترا محمد ظہور عالم، ڈی ٹی او اندر کمار، ڈی ای او دنیش کمار مشرا کے ساتھ دیگر متعلقہ افسران اور کارکنان موجود تھے۔
