جدید بھارت نیوز سروس رانچی،10 ؍جنوری:سردیوں کے مہینوں کے دوران ضرورت مند اور معاشی طور پر کمزور برادریوں کی مدد کرنے کی کوشش میں، انسپکٹر جنرل، مشرقی ہیڈکوارٹر رانچی، محترمہ شانتھی جی جے دیو نے مقامی دیہاتیوں میں کمبل تقسیم کیے۔یہ تقریب سی آئی ایس ایف کے ایس ایچ کیو رانچی کیمپس میں سری ہریندر نارائن، کمانڈنٹ، دوسری ریزرو بٹالین، سی آئی ایس ایف کی موجودگی میں ہوئی اور اس کا مقصد آس پاس کے علاقوں میں ضرورت مند غریب خاندانوں کو مدد فراہم کرنا تھا۔کمبل تقسیم کرنے کی مہم سے آس پاس کی دیہی برادریوں کے پسماندہ اور غریب دیہی طبقوں کو خاص طور پر بزرگوں، خواتین، بچوں اور مالی مشکلات کا سامنا کرنے والے خاندانوں کو فائدہ پہنچا۔ یہ اقدام ان لوگوں کو سردی سے نجات دلانے کے لیے کیا گیا جو خاص طور پر موسم سرما میں مشکل حالات کا سامنا کر رہے تھے۔اس اقدام کے تحت 80 مقامی دیہاتیوں میں کمبل تقسیم کیے گئے۔ہم سمجھتے ہیں کہ ہماری دیہی برادریوں کو سردیوں کے مہینوں میں بہت سی مشکلات کا سامنا کرنا پڑتا ہے جب موسم انتہائی سخت ہو جاتا ہے۔ یہ اقدام ان مسائل کو کم کرنے کیلئے ایک چھوٹی سی کوشش ہے اور ضرورت مندوں تک پہنچانے میں تعاون کرنے والے فورسز ملازمین اور مقامی کمیونٹی کے شکر گزار ہیں ۔پروگرام کے دوران، مسز شانتھی جی جے دیو، انسپکٹر جنرل، مشرقی سیکٹر ہیڈ کوارٹر، رانچی، گاؤں والوں سے خطاب کرتے ہوئے مذکورہ بات کہی۔واضح رہے کہ اس سے قبل بھی ایسٹرن سیکٹر ہیڈ کوارٹر رانچی اور سیکنڈ ریزرو کور رانچی کے فورس ممبران کمیونٹی سروس میں حصہ لیتے رہے ہیں اور گزشتہ دنوں ہندوستان کے مشرقی علاقے میں صنعتی اکائیوں کی حفاظت میں اہم کردار ادا کرتے رہے ہیں۔
