بھونیشور۔10؍ جنوری۔ ایم این این۔ مرکزی وزیر تعلیم دھرمندر پردھان نے کہا ہے کہاوڈیشہ میں پہلی بار منعقد ہونے والا 18 واں پرواسی بھارتیہ دیوس کنونشن نہ صرف این آر آئیز کے لیے اپنی جڑوں سے دوبارہ جڑنے کا موقع ہے بلکہ ایک تاریخی واقعہ بھی ہے جس کا مقصد اوڈیشہ کو دنیا کے نقشے پر ایک نئی شناخت دینا ہے۔ وزیر اعظم نریندر مودی کے ساتھ افتتاحی تقریب میں شرکت کرتے ہوئے، پردھان نے امریکہ، عمان اور قطر سے تعلق رکھنے والے ہندوستانی باشندوں سے بات چیت کی۔ بھگوان جگناتھ کی سرزمین پر ان کا خیرمقدم کرتے ہوئے انہوں نے کہا کہ ہندوستان وراثت اور روایت کا خزانہ ہے۔بیرون ملک ملک کی شبیہہ کو فروغ دینے میں ہندوستانی تارکین وطن کی طرف سے کی گئی اہم شراکت کو تسلیم کرتے ہوئے، پردھان نے ان کی قابلیت، محنت اور لگن کی تعریف کی، جس نے انہیں دنیا بھر میں عزت اور پہچان حاصل کی ہے۔
