دھنباد سے دو نوجوان گرفتار، امیدواروں کی فہرست کے ساتھ چیک برآمد
جدید بھرت نیوز سروس
دھنباد، 21 ستمبر:۔ پولیس نے جھارکھنڈ میں منعقد ہونے والے جے ایس ایس سی۔ سی جی ایل امتحان کو متاثر کرنے کی سازش کا پردہ فاش کیا ہے۔ لوہردگا ایس پی کی اطلاع پر دھنباد پولیس نے بڑی کارروائی کی ہے۔ پولیس نے دو لڑکوں کو گرفتار کیا ہے جو جے ایس ایس سی امتحانات پر اثر انداز ہونے کی کوشش کر رہے تھے۔ پولیس کو ان سے 21 لڑکوں کی فہرست بھی ملی ہے۔ اس کے علاوہ بلین چیک، اے ٹی ایم کارڈ اور موبائل فون بھی برآمد کیا گیا ہے۔
دھنباد کے ایس ایس پی ایچ پی جناردن نے کہا کہ لوہردگا ایس پی کو اطلاع ملی تھی کہ دھنباد میں کچھ لڑکے جے ایس ایس سی امتحان کو متاثر کرنے کی کوشش کر رہے ہیں۔ اطلاع ملنے کے بعد ایس ڈی پی او سندری بھوپیندر راوت کی قیادت میں ایک ٹیم تشکیل دی گئی۔ تشکیل شدہ ٹیم نے جھریا تھانہ علاقے میں چھاپہ مارا۔ پولیس نے چھاپے کے دوران دو لڑکوں کو گرفتار کر لیا۔ ان میں سے ایک جہان آباد کا رہنے والا ہے۔ جبکہ دوسرا بوکارو کے گومیا کا رہنے والا ہے۔
ایس ایس پی نے بتایا کہ لڑکوں سے تین موبائل فون، تین اے ٹی ایم کارڈ اور تین بینکوں کے خالی چیک برآمد ہوئے ہیں۔ ایک فہرست بھی برآمد ہوئی ہے، جس میں کچھ لڑکوں کے نام اور امتحانی مرکز کا نام بتایا گیا ہے۔ اس فہرست میں کل 21 لڑکوں کے نام ہیں۔ لوہردگا ایس پی کو گرفتاری کی اطلاع دے دی گئی ہے۔ لوہردگا پولیس اس معاملے میں مزید کارروائی کرے گی۔
