سمریا اور چترا اسمبلی حلقہ کے ووٹروں کو آگاہ کرنے کیلئے سویپ پروگرام کا انعقاد
جدید بھارت نیوز سروس
چترا ، 20اکتوبر: ضلع کے سمریا اور چترا اسمبلی حلقوں میں ووٹنگ 13 نومبر 2024 کو ہونی ہے۔ تمام ووٹرز 13 نومبر کو اپنے ووٹ کی اہمیت کو جانتے ہوئے ووٹ دیں۔ اس کیلئے SVEEP پروگرام کے تحت ایک جامع آگاہی مہم چلائی جا رہی ہے۔ SVEEP پروگرام کے تحت ووٹروں کو آگاہ کرنے کے مقصد سے ضلع پبلک ریلیشن آفیسر و سویپ سیل نوڈل آفیسر شکیل احمد، ڈسٹرکٹ اسپورٹس آفیسر تشار رائے اور بلاک ڈیولپمنٹ آفیسر پرتاپ پور ابھیشیک پانڈے کے ذریعہ پرتاپ پور بلاک علاقہ میں ایک بیداری مہم چلائی گئی۔ جس میں دکانداروں اور اشیاء کی خریداری کیلئے آنے والے لوگوں کو آگاہ کیا گیا۔ اس کے علاوہ ریلیوں، بینر پوسٹرز، انتخابی رتھ اور دیگر ذرائع سے ووٹروں کو آگاہ کیا گیا۔ زیادہ سے زیادہ ووٹنگ کو یقینی بنانے کیلئے کم ووٹنگ فیصد والے بوتھس کی نشاندہی اور ڈسٹرکٹ الیکشن آفیسر و ڈی سی رمیش گھولپ کی ہدایات پر خصوصی پروگرام منعقد کرنے کی تیاریاں کی گئی ہیں۔
