بیٹنگ ریٹریٹ میں آج ملک کی شاندار فوجی وراثت کا مظاہرہ ہوگا: وزیر اعظم

نئی دہلی، 29 جنوری (ہ س)۔ وزیر اعظم نریندر مودی نے کہا کہ ا?ج شام منعقد ہونے والی بیٹنگ ریٹریٹ تقریب یوم جمہوریہ کی تقریبات کے اختتام کی علامت ہوگی۔ یہ شاندار تقریب ہندوستان کی عظیم فوجی وراثت، روایت اور نظم و ضبط کی طاقت کا مظاہرہ کرے گی۔وزیر اعظم نے جمعرات کو ایکس پوسٹ میں ملک کی حفاظت کے لیے وقف مسلح افواج پر فخر کا اظہار کرتے ہوئے کہا کہ ہندوستان اپنے بہادر جوانوں کی وفاداری اور قربانی کو ہمیشہ سلام کرتا ہے۔ اپنے پیغام میں وزیر اعظم مودی نے ویدک منتر کا ذکر کرتے ہوئے لکھا، ’’ایکو بہو نامسی منیے ایڈیتا وشم وشم یودھائے سن ششادھی۔ اکرترکتویا یوجا ویم دیومنت گھوشم وجیائے کرن مسی۔‘‘اس منتر کے ذریعے انہوں نے اتحاد، بہادری اور فتح کے عزم کو اجاگر کیا۔ وزیر اعظم مودی نے کہا کہ بیٹنگ ریٹریٹ تقریب میں فوجی بینڈ کی سریلی دھنیں، روایتی پرچم اتارنے کی رسم اور تاریخی فوجی روایات کی جھلک دیکھنے کو ملے گی۔ یہ تقریب نہ صرف یوم جمہوریہ کے جشن کا رسمی اختتام کرتی ہے، بلکہ ملک کی فوجی طاقت اور قومی وقار کی علامت بھی ہے۔