بہار میں 121 سیٹوں پر ووٹنگ ختم ؛ 46.64فیصد ہوئی ووٹنگ

پٹنہ،6؍نومبر(ایجنسی) :بہار اسمبلی انتخابات کے پہلے مرحلے کی ووٹنگ ختم ہو گئی ہے۔ صبح 7 بجے سے شام 6 بجے کے درمیان ووٹنگ 64.46 فیصد تھا۔ بیگوسرائے میں سب سے زیادہ 32.67 فیصد ووٹ ڈالے گئے، جب کہ شیخ پورہ میں سب سے کم 36.52 فیصد ووٹ ڈالے گئے۔ دارالحکومت پٹنہ میں 02.55 فیصد ووٹ ڈالے گئے۔56 انتہائی حساس بوتھس پر ووٹنگ شام 5 بجے تک ہی ووٹنگ ہوئی ۔ بہار کے شہری رائے دہندوں میں بھی اسی جوش و خروش کی کمی تھی۔ 121 میں سے تین نشستوں پر سب سے کم ووٹ ڈالے گئے۔ راجدھانی پٹنہ کے ایک شہری علاقے کمہار میں 52.39 %، دیگھا میں 10.39 %، اور بانکی پور میں 40% ریکارڈ کیا گیا۔ووٹنگ کے پہلے مرحلے کی تکمیل کے ساتھ ہی 121 سیٹوں کے لیے آج 18 اضلاع کے 1,314 امیدواروں کی قسمت ای وی ایم میں سیل کر دی گئی۔ ان میں سے 104 سیٹوں پر براہ راست مقابلہ ہے جبکہ 17 پر تین طرفہ مقابلہ ہے۔ بہار میں 243 سیٹوں کے لیے دو مرحلوں میں انتخابات ہو رہے ہیں۔ نتائج کا اعلان 14 نومبر کو کیا جائے گا۔پہلے مرحلے میں دو نائب وزیر اعلیٰ سمیت 18 وزراء کی ساکھ داؤ پر لگ گئی ہے۔ 10 ہاٹ سیٹیں ہیں جن میں تیجسوی یادو، تیج پرتاپ یادو، سمرت چودھری، وجے کمار سنہا، اور اننت سنگھ سمیت دیگر شامل ہیں۔بہار پہلے مرحلہ کے تحت آج 121 حلقوں میں 45,324 بوتھس پر پولنگ کی گئی۔ ہر پولنگ بوتھ ریئل ٹائم مانیٹرنگ کے لیے 100 فیصد ویب کاسٹ کیے گئے۔ الیکشن کمیشن نے آزادانہ، منصفانہ اور شفاف انتخابات کو یقینی بنانے کے لیے 121 جنرل مبصر، 18 پولیس مبصر اور 33 اخراجاتی مبصر تعینات کیے تھے۔ پٹنہ میں چیف الیکٹورل آفیسر کے دفتر میں ایک خصوصی کنٹرول روم بھی قائم کیا گیا تھا، جہاں ووٹر ہیلپ لائن اور ای میل کے ذریعے شکایات درج کر سکتے تھے۔آج ووٹنگ کے موقع پر ریاستی پولیس اور سینٹرل آرمڈ نیم فوجی دستوں کی تعیناتی کے ساتھ تمام پولنگ اسٹیشنوں پر سیکورٹی کے سحت انتظامات کئے گئے تھے۔ بہار اسمبلی انتخابات کے پہلے مرحلے میں جمعرات کو کئی سینئر سیاسی شخصیات نے اپنا ووٹ ڈالا۔ ابتدائی ووٹروں میں آر جے ڈی لیڈر اور انڈیا بلاک کے وزیر اعلیٰ کے امیدوار تیجسوی یادو بھی تھے، جنہوں نے اپنے ارکان خاندان بشمول آر جے ڈی سپریمو لالو پرساد کے ساتھ پٹنہ میں ووٹ دیا۔ دیگر نمایاں ووٹروں میں مرکزی وزیر گری راج سنگھ اور بہار شامل تھے۔