6 اپریل کو منایا جائے گا یومِ تاسیس، ہفتہ بھر جاری رہیں گے پروگرام:سنجے سراؤگی
جدید بھارت نیوز سروس
پٹنہ، 4 اپریل:پٹنہ میں ریاستی دفتر میں منعقدہ ایک پریس کانفرنس میں بی جے پی کے ریاستی صدر سنجے سراؤگی نے کہا کہ بی جے پی نے ان 45 سالوں میں صفر سے بلندی تک پہنچ کر دنیا کی سب سے بڑی سیاسی پارٹی ہونے کا اعزاز حاصل کیا ہے۔ پارٹی کے مخصوص نظریہ، وزیر اعظم نریندر مودی کی مقبولیت، حکومت کی کامیابیوں اور کارکنوں کی قربانیوں و محنت کی ملک کی عوام ستائش کر رہی ہے۔انہوں نے کہا کہ معاشرے کے تمام طبقات کی بھرپور حمایت بی جے پی کو مل رہی ہے اور پارٹی کی توسیع بھی ہو رہی ہے۔ پی ایم مودی کی قیادت میں بھارت مسلسل ترقی اور خود انحصاری کے میدان میں آگے بڑھ رہا ہے۔گزشتہ یومِ تاسیس کے موقع پر ملک کے وزیر اعظم نریندر مودی کے ایک بیان کا حوالہ دیتے ہوئے انہوں نے کہا کہ “پی ایم مودی نے کہا تھا کہ بی جے پی ‘سب کا ساتھ، سب کا وکاس، سب کا وشواس، سب کا پریاس ‘ کے منتر کے ساتھ کام کر رہی ہے۔ ہمارا لگن ماں بھارتی کے لیے ہے، ہمارا لگن ملک کے کروڑوں عوام کے لیے ہے، ہمارا لگن ملک کے دستور کے لیے ہے۔ آج بی جے پی ترقی کی علامت ہے، اعتماد کی علامت ہے، نئے خیال کی علامت ہے اور ملک کی فتح کی علامت ہے۔”پی ایم مودی نے پارٹی کے کام کرنے کے انداز کے بارے میں بتایا تھا کہ بی جے پی کا طریقہ کار سب کو شامل کرنے والا، سب کو چھونے والا اور تمام لوگوں کا بھلا کرنے والا ہے۔ بھارتیہ جنتا پارٹی صرف ایک جماعت نہیں، ایک نظریہ ہے جس کا مقصد قوم کی تعمیر اور عوامی بہبود ہے۔ بی جے پی کا مطلب مشن، بی جے پی کا مطلب سماجی خدمت، بی جے پی کا مطلب معاشرے کو بااختیار بنانا اور بی جے پی کا مطلب نئے بھارت کی تعمیر ہے۔بی جے پی کے ریاستی صدر سنجے سراؤگی نے دعویٰ کرتے ہوئے کہا کہ آج قومی صدر نیتن نوین کی قیادت اور رہنمائی میں تنظیم مسلسل مضبوط ہو رہی ہے اور عوامی خدمت کے کاموں کو نئی توانائی اور رفتار مل رہی ہے۔چھ اپریل کو یومِ تاسیس کے موقع پر بوتھ کی سطح سے لے کر ریاستی سطح تک کئی پروگرام ہوں گے، جس میں لاکھوں کارکنان اس پروگرام کو کامیاب بنانے میں جٹیں گے۔انہوں نے کہا کہ پانچ سے سات اپریل تک پارٹی دفتر کی سجاوٹ کی جائے گی، چھ اپریل کو ترقیاتی یاترا ہوگی۔ کارکن اپنے اپنے گھروں پر بی جے پی کا پرچم لہرائیں گے۔ لیڈروں کا قیام بھی چھ اپریل کو ہوگا اور ان کا خطاب بھی ہوگا۔ 6 یا 7 اپریل کو ہر بوتھ پر پرائمری اور سرگرم ارکان کے ساتھ یومِ تاسیس منایا جائے گا۔ اس کے تحت ہر بوتھ پر پرائمری اور سرگرم ارکان یومِ تاسیس منائیں گے۔آٹھ اور نو اپریل کو ضلعی دفتر میں سرگرم ارکان کی کانفرنس منعقد کی جائے گی، جس میں مختلف منتخب موضوعات جیسے بی جے پی کی تنظیمی توسیع اور انتخابی کامیابیوں میں عوامی حمایت پر تبادلہ خیال کیا جائے گا۔ اس میں مقررین ضلع اور ریاست کے قائدین ہوں گے۔سات سے 12 اپریل تک ‘گاؤں-بستی چلو ‘ مہم چلائی جائے گی، جس میں تمام کونسلرز، پنچایت ممبران سے اوپر کے عوامی نمائندوں سمیت پارٹی کے تمام کارکنان حصہ لیں گے۔ بزرگ کارکنوں کو اعزاز سے نوازا جائے گا، معزز لوگوں سے رابطہ اور ان کی عزت افزائی کی جائے گی، این ڈی اے حکومت کے منصوبوں اور کامیابیوں پر تبادلہ خیال کیا جائے گا۔اس پریس کانفرنس میں ریاستی جنرل سکریٹری و انچارج یومِ تاسیس تقریب رادھا موہن شرما، سابق ایم ایل اے و ترجمان اوشا ودیارتھی، ترجمان پریم رنجن پٹیل اور میڈیا انچارج دانش اقبال بھی موجود رہے۔
