جدید بھارت نیوز سروس
پٹنہ،28 نومبر:پٹنہ کی راجدھانی میں بیلی روڈ واقع پارس ایچ ایم آر آئی میں 30 نومبر، بروز اتوار، مفت میگا ہیلتھ چیک اَپ کیمپ کا انعقاد کیا جا رہا ہے۔ اس میں عام لوگوں کے رینڈم بلڈ شوگر، بی پی، ای سی جی، بی ایم ڈی، اور اسپائرو میٹری کی جانچ بالکل مفت کی جائے گی۔اسی کے ساتھ تمام سپر اسپیشلسٹ او پی ڈی—انٹرنل میڈیسن سے لے کر آرتھوپیڈکس، آنکولوجی، کارڈیولوجی، فزیوتھراپی، یورولوجی، پیڈیاٹریکس، جنرل سرجری، گائنی کولوجی، نیفرولوجی، ای این ٹی، نیورولوجی، گیسٹرو اینٹرولوجی، ڈائیٹیٹکس اور پلمونولوجی—میں بھی مفت طبی مشاورت دی جائے گی۔اس موقع پر دیگر پیتھولوجی اور ریڈیولوجی ٹیسٹس پر 50٪ تک کی رعایت بھی فراہم کی جائے گی۔
مفت میگا ہیلتھ چیک اَپ کیمپ صبح 10 بجے سے دوپہر 2 بجے تک رہے گا۔پارس ایچ ایم آر آئی کے زونل ڈائریکٹر انیل کمار نے بتایا کہ اسپتال میں ہم مسلسل عوام کے لیے مفت میگا ہیلتھ چیک اَپ کیمپ کا انعقاد کرتے رہتے ہیں، جس کا مقصد یہ ہے کہ ہر شخص کو بہتر صحت سہولیات تک رسائی مل سکے۔پارس ایچ ایم آر آئی پٹنہ نے 2013 میں اپنے آپریشن کا آغاز کیا۔ یہ بہار کا پہلا کارپوریٹ اسپتال ہے جس کے پاس ایٹمی توانائی ریگولیٹری بورڈ سے منظور شدہ کینسر علاج کا مرکز موجود ہے۔ جون 2024 میں ایکسس کیے گئے این اے بی ایچ پورٹل کے مطابق، پارس ایچ ایم آر آئی اسپتال، پٹنہ 2016 میں این اے بی ایچ کی منظوری حاصل کرنے والا بہار کا پہلا اسپتال تھا۔ اس اسپتال کی بستروں کی صلاحیت 400 سے زیادہ ہے، جن میں 80 آئی سی یو بیڈز شامل ہیں۔ اسی کے ساتھ 2 لینیئک مشینیں اور PET-CT کی سہولت بھی دستیاب ہے۔
پارس ایچ ایم آر آئی میں 30 نومبر کو مفت میگھا ہیلتھ چیک اَپ کیمپ کا انعقاد
