وزیر اعلی جھارکھنڈ ہیمنت سورین نے بہار ٹرین حادثہ پر دکھ کا اظہار کیا

رانچی، 12 اکتوبر (ہ س)۔ وزیر اعلی ہیمنت سورین نے جمعرات کو ٹویٹ کیا کہ بدھ کی رات بہار میں بکسر کے قریب دہلی سے کامکھیا جانے والی نارتھ ایسٹ ایکسپریس کے حادثے میں چار لوگوں کی موت کی افسوسناک خبر موصول ہوئی ہے۔انہوں نے کہا کہ ایشور مرحوم کی ارواح کو سکون دے اور سوگوار لواحقین کو دکھ کی اس گھڑی کو برداشت کرنے کی ہمت دے۔ حادثے میں زخمی ہونے والوں کی جلد صحت یابی کی دعا کرتا ہوں۔