گریڈیہہ، 22 نومبر:۔ گریڈیہہ نگر تھانہ علاقے کے بروا ڈیہہ کے قریب جمعرات کو مقامی لوگوں نے ممنوعہ گوشت لے جانے والے ای رکشہ کو پکڑ کر پولیس کے حوالے کر دیا۔ اطلاع ملتے ہی پولیس نے موقع پر پہنچ کر تفتیش شروع کردی۔ پولیس نے ممنوعہ گوشت لے جانے والے ای رکشہ کے ڈرائیور کو گرفتار کر لیا اور ای رکشہ اور ڈرائیور کو تھانے لے گئی۔ اس سے پوچھ گچھ کی گئی۔ بتایا گیا کہ ڈرائیور ای رکشہ کی دو سیٹوں کے درمیان تقریباً 3 کلو ممنوعہ گوشت چھپا کر بروا ڈیہہ کی طرف لے جا رہا تھا۔ راستے میں ای رکشہ نے ایک بچے کو دھکا مار دیا۔ اس سے ناراض مقامی لوگوں نے ای رکشہ کو گھیر لیا۔ ای رکشہ سے آنے والی بدبو سے لوگ مشکوک ہوگئے۔ تفتیش پر سیٹ کے نیچے چھپایا ہوا گوشت ملا۔ یہ دیکھ کر لوگ مشتعل ہوگئے۔ لوگوں نے ڈرائیور کو پکڑ کر نگر تھانہ کو واقعہ کی اطلاع دی۔ گریڈیہہ نگر اور مفصل تھانہ پولیس نے فوراً موقع پر پہنچ کر لوگوں کو قابو کیا۔ پولیس نے ملزم ڈرائیور کو گرفتار کر کے ممنوعہ گوشت سمیت ای رکشہ قبضے میں لے کر تھانے پہنچا دیا۔ خبر لکھے جانے تک تھانے میں پوچھ گچھ کے بعد ای رکشہ ڈرائیور کو جیل بھیجنے کی تیاریاں کی جا رہی تھیں۔
