National

فضائیہ کا جنگی طیارہ ’تیجس‘ جیسلمیر میں حادثہ کا شکار، لمحہ بھر میں بن گیا آگ کا گولہ

100views

ہندوستانی فضائیہ کا جنگی طیارہ ’تیجس‘ آج راجستھان کے جیسلمیر میں حادثہ کا شکار ہو گیا۔ بتایا جا رہا ہے کہ منگل کے روز جب ’تیجس‘ کے ساتھ جنگی تربیت جاری تھی تبھی اچانک حادثہ پیش آیا اور بڑی مشکل سے پائلٹ اس سے باہر نکلنے میں کامیاب رہا۔ ایسی خبریں بھی سامنے آ رہی ہیں کہ وقت پر پیراشوٹ نہیں کھلنے کے سبب ایک پائلٹ زخمی ہے۔ اس حادثہ کے بعد تیجس دیکھتے ہی دیکھتے آگ کے گولہ میں تبدیل ہو گیا۔

SAD NEWS FOR MILITARY INDUSTRY!!!
Made In India fighter jet #Tejas has crashed in Jaisalmer.
It is Tejas’s 1st ever crash.
Fortunately, pilot managed to eject safely.

Exactly at the time when Tri-Service exercise #BharatShakti was taking place in Pokhran Firing Range near… pic.twitter.com/Mlrq623bRp

— Ashish Singh (@AshishSinghNews) March 12, 2024

فضائیہ نے اس حادثہ سے متعلق ایک بیان جاری کیا ہے جس میں واقعہ کے تعلق سے اہم جانکاری دی گئی ہے۔ فضائیہ نے اپنے بیان میں کہا ہے کہ ’’ہندوستانی فضائیہ کا ایک تیجس طیارہ جیسلمیر میں آج ایک آپریشنل ٹریننگ پرواز کے دوران حادثہ کا شکار ہو گیا۔ پائلٹ حفاظت کے ساتھ نکل گئے۔ حادثہ کی وجہ کا پتہ لگانے کے لیے کورٹ آف انکوائری کی تشکیل کی گئی ہے۔‘‘

#WATCH : Video of Moment when Tejas fighter jet crash & pilot successfully deploying parachute after ejection.#Jaisalmer #Rajasthan #IndianAirForce #HelicopterCrash #IAF #Tejas pic.twitter.com/Ah5FLY9vff

— upuknews (@upuknews1) March 12, 2024

واضح رہے کہ تیجس فضائیہ کا ایک ہلکا جنگی طیارہ (ایل سی اے) ہے۔ بتایا جاتا ہے کہ جنگی تربیت کے دوران یہ حادثہ جواہر کالونی کے پاس پیش آیا۔ ٹریننگ کے دوراھ بھیل ہاسٹل کے پاس طیارہ کے حادثہ کا شکار ہونے کی ویڈیو بھی سامنے آئی ہے۔ اچھی بات یہ رہی کہ اس میں سوار دونوں پائلٹس کی جان بچ گئی ہے۔ ایک پائلٹ زخمی ضرور ہے، لیکن اس سے متعلق فی الحال کوئی تفصیل سامنے نہیں آ سکی ہے۔

Follow us on Google News