ڈاکٹر اکھلیش پرساد سنگھ کی قیادت میں اڈانی کے خلاف پٹنہ میں کانگریس کا زبردست مظاہرہ
اڈانی کی گرفتاری اورجانچ کیلئے جے پی سی تشکیل دینے کا مطا لبہ
جدید بھارت نیوز سروس
پٹنہ۔ اتوار، 24 نومبر 2024؛دھوکہ دہی اور رشوت ستانی کے معاملے میں اڈانی گروپ کے چیئرمین گوتم اڈانی کے خلاف امریکہ میں غیر ضمانتی وارنٹ جاری ہونے کے باوجود، ہندوستان میں کارروائی کا فقدان مرکزی حکومت کے ذریعہ اس کی سر پر ستی کا نتیجہ ہے۔ اس معاملے پر جے پی سی تشکیل دی جائے اور اس کی غیر جانبدارانہ تحقیقات کرائی جائے اور اڈانی کو فی الفور گرفتار کیا جائے، اس مطالبے کو لے کربہار کانگریس کے صدر ڈاکٹر اکھلیش پرساد سنگھ کی قیادت میں پٹنہ کے انکم ٹیکس چوک پر زبردست مظاہرہ کیا گیا اور وزیر اعظم نریندر مودی کا پتلا نذر آتش کیا گیا۔ کانگر یس کےریاستی صدر اور راجیہ سبھا کے رکن ڈاکٹر اکھلیش پرساد سنگھ، جو مظاہرے اور پتلا جلانے کے پروگرام کی قیادت کر رہے تھے، نے کہا کہ ہمارے رہنما راہول گاندھی نے مسلسل اڈانی کو مرکز کی مودی حکومت کا حمایت یافتہ کہا ہے، جس کی بی جے پی نے تردید کی ہے۔ لیکن امریکہ میں کی گئی حالیہ عدالتی کارروائی نے ثابت کر دیا ہے کہ کس طرح مرکزی حکومت کے تحفظ میں ملک اور بیرون ملک لوٹ مار کرنے والے اڈانی نے عالمی سطح پر ملک کی ساکھ کو داغدار کیا ہے۔ وزیر اعظم نریندر مودی کی حمایت پر قائم ملک کی ساکھ کو داغدار کر کے کاروبار کرنے والی اڈانی کی سلطنت اب سب کو نظر آ رہی ہے۔ بی جے پی لیڈر اڈانی کے ترجمان بن کر ٹی وی چینلز پر مسلسل اوور ٹائم کام کر رہے ہیں۔ سوچنے کی بات ہے کہ آخر بھارت میں رشوت خوری کی تحقیقات امریکہ میں ہوتی ہیں لیکن ملک کے اندر ایسی کمزور حکومت ہے جو اس معاملے پر کان میں تیل ڈال کر سو رہی ہے۔ اس معاملے پر بغیر کسی تاخیر کے ایک مشترکہ پارلیمانی کمیٹی بنائی جائے اور اس کی غیر جانبدارانہ تحقیقات کرائی جائے اور اڈانی اور رشوت خوری میں ملوث تمام قصوروار اہلکاروں کو بھی گرفتار کیا جائے۔اس موقع پر کانگریس قانون ساز اسمبلی کے رہنما ڈاکٹر شکیل احمد خان جنہوں نے احتجاج میں حصہ لیا، کہا کہ کانگریس نے اڈانی کی بڑھتی ہوئی کاروباری سلطنت کی تحقیقات کے بارے میں مسلسل بات کی ہے، لیکن اس کا مرکزی سرپرستی والاکاروبار وزیر اعظم کی حمایت سے بڑھ رہا ہے۔ وزیر اور اب جب امریکہ میں ان کی بداعمالیوں کی چھان بین ہوئی ہے، مرکز میں بی جے پی کی قیادت والی مودی حکومت خاموشی اختیار کر رہی ہے اور اڈانی کو گرفتار نہیں کر رہی ہے۔، سابق وزیر کرپاناتھ پاٹھک، نے بھی اڈانی کی گرفتاری اور جے پی سی کے مطالبے پر مظاہرے میں حصہ لیا۔ سمیر کمار سنگھ، وینا شاہی، پریم چندر مشرا، نرمل ورما، برجیش پانڈے، راجیش راٹھور، لال بابو لال، برجیش پرساد منن، بنٹی چودھری، کپل دیو پرساد یادو، امیتا بھوشن، آنند مادھو، گیان رنجن، غریب داس، ڈاکٹر سنجے یادیو، سمیت کمار سنی، ابھے جیسوال، راجیش یادو سمیت سینکڑوں کانگریسی موجود تھے۔
