Bihar

بہار کے نالندہ میں بڑا ٹرین حادثہ ٹلا ،ایک ہی ٹریک پر آئیں دوٹرینیں

112views

پٹنہ،21 اکتوبر :۔ بہار کے نالندہ میں ہلسا ریلوے اسٹیشن کے قریب ہفتہ کے روزایک بڑا ٹرین حادثہ ٹل گیا۔ یہاں ایک ہی ٹریک پر دو ٹرینیں آمنے سامنے آگئیں لیکن ٹرین کے پائلٹ نے سمجھدا ری کا مظاہرہ کرتے ہوئے فوراً ٹرین کو بریک لگا دی جس کی وجہ سے ناخوشگوار واقعہ ٹل گیا۔ واقعہ کے پیچھے اسٹیشن ماسٹر کی لاپرواہی کھل کر سامنے ا?رہی ہے۔ بتایا گیا ہے کہ ہفتہ کے روز مگدھ ایکسپریس اسلام پور جانے کے لیے ہلسا ریلوے اسٹیشن کے ٹریک پر کھڑی تھی۔ اسی دوران اسلام پور سے مال گاڑی ہلسا اسٹیشن پہنچی۔ ایک ہی ٹریک پر دو ٹرینوں کے ا?نے کے بعد دونوں ٹرینوں کے پائلٹس نے سمجھداری سے کام لیا۔ مال گاڑی کے پائلٹ نے رفتار کم کر دی جس سے دونوں ٹرینوں میں تصادم ہونے سے بچ گیا۔ ریلوے مسافروں اور مقامی لوگوں کا کہنا تھا کہ اگر ٹرین کے پائلٹ نے بروقت سمجھدا ری کا مظاہرہ نہ کیا ہوتا تو سینکڑوں لوگ جان سے ہاتھ دھو سکتے تھے۔ قابل ذکر ہے کہ چند روز قبل ہی پنڈت دین دیال اپادھیائے اور پٹنہ ریلوے لائن پر بکسر کے رگھوناتھ پور اسٹیشن کے قریب نارتھ ایسٹ ایکسپریس حادثہ کی شکار ہوگئی تھی، جس میں چار لوگوں کی موت ہوگئی تھی جب کہ کئی زخمی ہوگئے تھے۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.