غزہ پٹی پر اسرائیل کا حملہ لگاتار جاری ہے اور ان حملوں سے ہلاکتوں کی تعداد بھی لگاتار بڑھتی جا رہی ہے۔ تازہ ترین خبروں کے مطابق وسطی غزہ پٹی میں اسرائیل نے ایک گھر پر ہوائی حملہ کیا جس میں 22 فلسطینیوں کی موت ہو گئی ہے اور کئی دیگر زخمی بھی ہوئے ہیں۔ بتایا جاتا ہے کہ جس عمارت پر اسرائیل نے حملہ کیا ہے وہ دیر البلاح میں ہے اور یہاں بے گھر لوگوں کے ساتھ ساتھ نقل مکانی کرنے والوں کو پناہ دیا جا رہا تھا۔
اتر پردیش: ’بس ایک بار سوچ کر دیکھیے‘، امتحان سے قبل پیپر لیک معاملہ میں پرینکا گاندھی کا اظہارِ فکر
خبر رساں ایجنسی شنہوا نے فلسطینی سیکورٹی وار میڈیکل ذرائع کے حوالے سے بتایا کہ مہلوکین اور زخمیوں کو شہر کے الاقصیٰ شہید اسپتال لے جایا گیا ہے۔ حالانکہ زخمیوں کی اصل تعداد سے متعلق کچھ بھی خبر سامنے نہیں آ رہی ہے۔
جن کمپنیوں پر سرکاری ایجنسیوں نے کارروائی کی انہوں نے بی جے پی کو 335 کروڑ چندہ دیا! کانگریس
اس درمیان کئی لوگوں کے لاپتہ ہونے کی خبریں بھی سامنے آ رہی ہیں۔ ذرائع کا کہنا ہے کہ شہری سیکورٹی ٹیم منہدم عمارت کے ملبہ میں دبے لوگوں کی تلاش کر رہی ہے۔ یعنی مہلوکین کی تعداد میں مزید اضافہ ہونے کا امکان ہے۔ اگر اسرائیل-حماس جنگ میں اب تک ہلاک فلسطینیوں کی مجموعی تعداد پر بات کریں تو یہ تقریباً 30 ہزار پہنچ چکی ہے۔
