اتراکھنڈ کے ہلدوانی میں 8 فروری کو ہوئے تشدد کے بعد نافذ کرفیو میں جمعرات کو نرمی کر دی گئی ہے۔ نیوز پورٹل ’اے بی پی‘ پر شائع خبر کے مطابق نینی تال کی ڈی ایم وندنا سنگھ نے فسادات سے متاثرہ علاقے میں کرفیو میں نرمی کا حکم دیا ہے تاکہ لوگ اپنی روزمرہ کی ضروریات کا سامان خرید سکیں۔ اس عرصے کے دوران اشیائے ضروریہ کی فراہمی کے لیے دکانیں اور کاروباری ادارے کھولنے کی اجازت دی گئی ہے۔
وزارت عظمی کے لیے نواز شریف کی عدم نامزدگی: عوامل کیا ہیں؟
حکم کے تحت، گوجاجلی کے ایف سی آئی گودام کمپلیکس، بنبھول پورہ علاقے کے ریلوے بازار میں آج صبح 9 بجے سے شام 4 بجے تک نرمی دی گئی ہے۔ اس کے علاوہ بنبھول پورہ تھانہ علاقہ میں کرفیو میں دو گھنٹے کی نرمی رہے گی۔ یہاں کرفیو میں صرف صبح 9 بجے سے 11 بجے تک نرمی کی گئی ہے۔ تاہم اس دوران انٹرنیٹ سروس مکمل طور پر بند رہے گی۔ انتظامیہ کی جانب سے دکانوں کو ضروری سامان بھی فراہم کیا جائے گا۔
حکم نامے کے مطابق کرفیو والے علاقوں میں رہنے والے طلباء کو بورڈ یا یونیورسٹی کے امتحانات یا مسابقتی امتحانات کے ایڈمٹ کارڈ دکھانے کے بعد امتحانی مدت کے دوران باہر جانے کی اجازت ہوگی۔ حکم کی کاپی ڈی ایم نے متعلقہ حکام کو بھیجی ہے۔
کسان تحریک: حکومت اور کسان لیڈران کے درمیان تیسری ملاقات آج ہوگی
واضح رہے کہ 8 فروری کو ہلدوانی میں غیر قانونی تجاوزات ہٹانے گئی انتظامیہ کی ٹیم پر مقامی لوگوں نے حملہ کر دیا تھا۔ اس دوران یہاں تشدد پھوٹ پڑا۔ جس میں سینکڑوں گاڑیوں کو آگ لگا دی گئی اور سو سے زائد پولیس اور میڈیا والے زخمی ہوئے۔
