مودی حکومت سے مایوس 21 لاکھ مزدوروں کو بنگال حکومت دے گی 100 دنوں کی اجرت، ممتا بنرجی کا اعلان
مغربی بنگال کی وزیر اعلیٰ ممتا بنرجی کولکاتا میں مرکز کی مودی حکومت کے خلاف محاذ کھولے ہوئی ہیں۔ انھوں نے مرکز کے ذریعہ ریاستی حکومت کو بقایہ پیسے نہیں دیے جانے کے خلاف 2 فروری کو جو دھرنا و مظاہرہ شروع کیا، وہ آج بھی جاری ہے۔ وہ منریگا مزدوروں کی بقایہ اجرت اور دیگر بقایہ فنڈز کا مطالبہ لگاتار مرکزی حکومت سے کر رہی ہیں، لیکن اس پر کوئی خاص پیش رفت نہیں ہو رہی ہے۔ اس درمیان آج دھرنا والی جگہ پر ممتا بنرجی نے ایک بڑا اعلان کیا، جو لوک سبھا انتخاب کے پیش نظر انتہائی اہم تصور کیا جا رہا ہے۔
Today, in a defiant move, Smt. @MamataOfficial announced that the GoWB will take charge of delivering wages, to the 21 lakh MGNREGA workers, withheld by the @BJP4India-led Centre for nearly 3 years.
Bengal will not beg! Bengal will not bow! Bengal will not budge! pic.twitter.com/BAAVtdY8zC
— All India Trinamool Congress (@AITCofficial) February 3, 2024
دراصل ممتا بنرجی نے ہفتہ کے روز اعلان کیا کہ ان کی حکومت بنگال کے مزدوروں کو 100 دن کام کرنے کی اجرت ادا کرے گی۔ مودی حکومت کے خلاف دھرنا دینے کے دوران انھوں نے کہا کہ ’’21 فروری کو 21 لاکھ مزدور، جن کا پیسہ مرکزی حکومت نے نہیں دیا ہے، ان محروم لوگوں کے اکاؤنٹ میں پیسے آ جائیں گے۔‘‘ جب ممتا یہ اعلان کر رہی تھیں تو ان کے پاس مشہور سماجی کارکن یوگیندر یادو بھی بیٹھے ہوئے تھے جنھوں نے تالی بجا کر اور کھڑے ہو کر خوشی ظاہر کی۔ وزیر اعلیٰ کے اس اعلان پر دھرنا والی جگہ موجود سبھی لوگ خوشی سے جھوم اٹھے اور یقینی طور پر ممتا کا یہ قدم لوک سبھا انتخاب کے پیش نظر بی جے پی کے لیے زوردار جھٹکا ہے۔
“ভগবান তুমি দূত পাঠায়েছ বারে বারে দয়াহীন সংসারে”
Amidst BJP’s Zamindari atrocities, Smt. @MamataOfficial extends firm support to Bengal’s MGNREGA workers.
GoWB will settle dues for 21 lakh workers using state funds & wages will be credited to their bank accounts by 21st Feb. pic.twitter.com/E4P0OkubsU
— All India Trinamool Congress (@AITCofficial) February 3, 2024
ممتا بنرجی نے اپنے اعلان کے دوران یہ بھی کہا کہ مرکزی حکومت بنگال کو مارنے کا ارادہ رکھتی ہے۔ لیکن آج مجھے اپنا پہلا قدم اٹھانے دیجیے۔ جن 21 لاکھ مزدوروں کا پیسہ مرکزی حکومت نے نہیں دیا ہے، ان کا پیسہ 21 فروری کو ریاستی حکومت ان کے بینک اکاؤنٹ میں ٹرانسفر کرے گی۔ اپنی تقریر کے دوران انھوں نے رہائش منصوبہ کے تعلق سے بھی تذکرہ کیا۔ وزیر اعلیٰ نے کہا کہ 11 لاکھ رہائشوں کو ابھی تک منظوری نہیں دی گئی ہے، لیکن میں آج رہائش کے بارے میں زیادہ بات نہیں کروں گی۔ میں اس بارے میں مناسب وقت پر بولوں گی۔ حالانکہ سبھی کو جان لینا چاہیے کہ بنگال نہ ہی بھیک مانگے گا اور نہ ہی جھکے گا۔
