جديد بهارت

Jadeed Bharat

No. 1 Urdu Daily Newspaper of Jharkhand

E Paper

ePaper

راج بھون، رانچی میں ہولی ملن تقریب کا انعقاد گورنر محترمہ نے تمام ریاست واسیوں کو ہولی کی مبارکباد پیش کی

19 Mar 2019


جدید بھارت نیوز سروس

رانچی، 19؍مارچ: ریاست کی گورنر محترمہ دروپدی مرمو کی باوقار موجودگی میں آج راج بھون کے برسا منڈپ میں رانچی ویمن کالج، رانچی یونیورسٹی اور ونوبا بھاوے یونیورسٹی کے تعاون سے ہولی ملن تقریب نیز ثقافتی پروگرام کا انعقاد کیا گیا۔ مذکورہ موقع پر جھارکھنڈ انسانی حقوق کمیشن کے چیئرمین ایس کے ست پتھی، گورنر کے پرنسپل سکریٹری ستیندر سنگھ، رانچی، ونوبا بھاوے، سدھو کانہو مرمو اور ڈاکٹر شياماپرساد مکھرجی یونیورسٹی کے وائس چانسلر اور رانچی یونیورسٹی کی پرو وائس چانسلر اور رانچی ویمن کالج کی پرنسپل ڈاکٹر منجو سنہا سمیت کئی دانشور اور طالبات موجود تھیں۔ پروگرام کے آغاز میں رانچی ویمن کالج کی طالبات کے ذریعہ اپنی پیشکش سے پلوامہ حملہ کے شہیدوں کو خراج عقیدت پیش کیا گیا۔ اس کے علاوہ موسیقی ڈپارٹمنٹ کی طالبات کے ذریعہ ہولی پر نغمات پیش کی گئیں۔ کالج کی طالبات کے ذریعہ منی پوری رقص بھی پیش کیا گیا۔ اس موقع رقص تھیٹر کا خوبصورت اسٹیج شو کیا گیا۔انشومن آدتیہ داس نے اپنی پیشکش سے سب کو گرودہ بنالیا۔ اس کے علاوہ ونوبا بھاوے یونیورسٹی کی طالبات کے ذریعہ ہولی پر ڈانس اور موسیقی پیش کی گئی۔ آخر میں رانچی ویمن کالج کی طالبات نے روایتی ہولی رقص پیش کیا۔ گورنر محترمہ نے تمام شرکاء کی پیشکش کی تعریف کرتے ہوئے تمام ریاست واسیوں کو ہولی کی مبارکباد دی۔ انہوں نے کہا کہ ہولی باہمی محبت اور بھائی چارہ اور ہم آہنگی کو مزید مضبوط بنانے کا پیغام دیتی ہے۔ انہوں نے اس موقع پر سب کو اچھے عبیر و گلال کا ہی استعمال کرنے کا مشورہ دیا۔ کیمیائی رنگوں سے پرہیز کرنے کی بات کہی۔