جديد بهارت

Jadeed Bharat

No. 1 Urdu Daily Newspaper of Jharkhand

E Paper


سیاسی پارٹی بوتھ لیول ایجنٹ تعینات کریں ایل کھیانگتے نے ویڈیو کانفرنسنگ کے ذریعہ شمالی جنوبی چھوٹاناگپور کمشنری کے الیکشن افسروں کو ہدایات دیں

19 Mar 2019


جدید بھارت نیوز سروس

رانچی، 19 ؍مارچ: ریاست کے چیف الیکشن افسر ایل کھیانگتے نے کہا ہے کہ الیکشن کمیشن آف انڈیا کے ذریعہ دیئے گئے احکامات کے تحت تمام سیاسی جماعتوں کے ذریعہ بوتھ لیول ایجنٹ تعینات کیا جانا چاہئے۔مسٹر کھيانگتے آج ویڈیو کانفرنسنگ کے ذریعے شمالی اور جنوبی چھوٹاناگپور کمشنری کے تحت آنے والے اضلاع کے ضلع الیکشن افسروں کے ساتھ الیکشن کی تیاریوں کا جائزہ لے رہے تھے۔ انہوں نے ضلع الیکشن افسر وں کو ہدایت دی کہ وہ اپنے اپنے اضلاع میں سیاسی جماعتوں کے ساتھ ہونے والی میٹنگ میں بوتھ لیول ایجنٹ بحال کرنے پر چرچا کریں۔ چیف الیکشن افسر نے تمام ڈسٹرکٹ الیکشن افسروں کو کہا کہ وہ 20 مارچ تک ای آر او نیٹ پر مختلف قسم کے فارم کی پراسیسنگ جلد یقینی بنائیں۔ انہوں نے ضلع الیکشن افسروں کو سویپ، انتخابی ضابطہ اخلاق، شکایات کا حل، الیکشن دستور العمل اور قانونی نظام سے متعلق رپورٹ روزانہ وقت پر بھیجنے اور ڈیش بورڈ پر اپڈیٹ کرنے کا حکم دیا۔ مسٹر کھيانگتے نے تمام ڈسٹرکٹ الیکشن افسروں سے پیڈ نیوز پر نظر رکھنے کا حکم دیا۔اس موقع پرایڈیشنل چیف الیکشن افسر ونے کمار چوبے اور منیش رنجن بھی موجود تھے۔

بی ایل او سطح پر زیر التوا معاملوں کو جلد از جلد حل کریں: مسٹر کھيانگتے نے تمام ڈسٹرکٹ الیکشن افسروں سے کہا کہ 20 مارچ تک ای آر او نیٹ پر مختلف قسم کے فارم کی پراسیسنگ جلد از جلد یقینی بنائیں۔ اس کے بعد صرف فارم -6 کے تحت ووٹر لسٹ میں نئے نام درج کرنے کی کارروائی کی جائے گی۔ ایپک کارڈ سے متعلق زیر التوا معاملات پر جلد از جلد عملدرآمد کیلئے بوتھ لیول افسران کے ساتھ میٹنگ اور تربیت کے ذریعے ان کو بااختیار بنانے  کی ہدایت ضلع الیکشن افسروں کو دی گئی۔ مسٹر کھيانگتے نے ضلع الیکشن افسروں کو سویپ، انتخابی ضابطہ اخلاق، شکایت کا حل، انتخابی قانونی نظام سے متعلق رپورٹ روزانہ وقت مقررہ پر بھیجنے اور ڈیش بورڈ پر اپ ڈیٹ کرنے کی ہدایت دی۔

ضروری سہولیات اور ڈھانچوں کی جانکاری لی : مسٹر کھيانگتے نے تمام ڈسٹرکٹ الیکشن افسروں سے پیڈ نیوز پر نظر رکھنے کے لئے ضروری تیاری اور سہولیات کو لے کر کی گئی تیاریوں کی جانکاری لی۔ ضلع الیکشن افسروں نے چیف الیکشن افسر کو جانکاری دی کہ اس کے لئے کافی تعداد میں اہلکار رکھے گئے ہیں۔ ہندی، انگریزی اور دیگر زبانوں میں شائع ہونے والے اخبار کی نگرانی کی جا رہی ہے اور اس میں شائع انتخابات سے متعلق خبروں کے جائزے کے ساتھ ریکارڈ بھی رکھا جا رہا ہے۔ ساتھ ہی الیکٹرانک چینلز میں نشر ہونے والے خبروں پر نظر رکھنے کے لئے کافی تعداد میں ٹیلی ویژن سیٹ لگائے گئے ہیں اور نشر ہونے والی خبروں کی نگرانی کی جا رہی ہے۔ مسٹر کھيانگتے نے ضلع الیکشن افسروں سے الیکشن کو لے کر بنائے گئے کنٹرول روم کے بارے میں بھی جانکاری لی۔ انہوں نے ضلع الیکشن افسروں سے کہا کہ وہ کنٹرول روم میں لاگ بک ان کا وقتاً فوقتاً معائنہ کریں۔ مسٹر ایل کھيانگتے نے ضلع الیکشن افسروں سے کہا کہ میڈیا کی تصدیق اور منظوری دینے والی کمیٹی اپنی رپورٹ ہر ہفتے سنیچر کے ایک بجے تک بھیجیں۔

ضلع الیکشن اخراجات کمیٹی تشکیل: کھيانگتے نے کہا کہ امیدواروں کے ذریعہ انتخابی مہم پر کئے جانے والے اخراجات سے متعلق رپورٹ اخراجات سپروائزر کو دیئے جانے والے کٹ میں دینا ہے۔ اس کی تیاری پہلے ہی کر لیں، تاکہ انہیں وقت پر فراہم کی جا سکے۔ انہوں نے ضلع الیکشن افسروں سے ضلع الیکشن اخراجات کمیٹی تشکیل دینے کا بھی حکم دیا۔

انتخابی ضابطہ اخلاق کی خلاف ورزی سے متعلق معاملات پر طے وقت میں کارروائی ہو: کھيانگتے نے انتخابی ضابطہ اخلاق کی خلاف ورزی سے متعلق معاملات پر اصول کے مطابق کارروائی کو یقینی بنانے کی ہدایت دی۔ انہوں نے اس بارے میں ویڈیو سرولانس ٹیم کو تربیت کر قابل بنانے پر زور دیا۔ ویڈیو سرولانس ٹیم کو ریکارڈنگ کے تحت واقعہ کا نام اور پتہ، تاریخ، مقام اور پروگرام کو منعقد کرنے والی سیاسی جماعت اور امیدوار کا نام بھی واضح ہو۔ ویڈیوگرافی اس طرح کی جانی چاہیے کہ متعلقہ پروگرام پر ہونے والے اخراجات کی تعین کی جا سکے۔ اس پروگرام کے لئے استعمال کئے جانے والی گاڑیوں، ان کے رجسٹریشن نمبر، پنڈال، کرسی، ٹیبل، لاؤڈ اسپیکر، ہورڈنگس، پوسٹر وغیرہ کی واضح ویڈیوگرافی کی جانی چاہئے۔ انہوں نے اسٹیٹک سرولانس ٹیم کی تشکیل کو لے کر بھی ضلع الیکشن افسروں کو ہدایت دی۔ اس ٹیم میں مجسٹریٹ، پولیس فورس اور ویڈیوگرافر شامل کئے جائیں۔ انہوں نے کہا کہ اسٹیٹک سرولانس ٹیم میں مرکزی آرمڈ پولیس فورس کے اہلکار کو بھی ضرورت کے تحت رکھا جائے۔

پولنگ مراکز پر سہولیات کی جانکاری لی : ونے کمار چوبے، ایڈیشنل چیف الیکشن افسر نے ماڈل پولنگ اسٹیشن، خواتین پولنگ اسٹیشن، اسسٹنٹ پولنگ اسٹیشن اور بوتھ لیول مینجمنٹ کو لے کر کی جانے والی تیاریوں کی جانکاری ڈسٹرکٹ الیکشن افسروں سے لی۔ ضلع الیکشن افسروں نے بتایا کہ اس سمت میں ساری تیاریاں مکمل کر لی گئی ہیں۔ مسٹر چوبے نے معذور ووٹروں کے لئے پولنگ اسٹیشن پر فراہم جانے والی سہولیات کے بارے میں بھی ضلع الیکشن افسروں کو ضروری ہدایات دی۔

غیر ضمانتی وارنٹ کے زیر التوا معاملوں کو جلد از جلد تصفیہ کریں: مسٹر چوبے نے ضلع الیکشن افسروں سے کہا کہ الیکشن کیلئے منصفانہ، بے خوف اور صاف ماحول پیدا کرنے کے لئے غیر ضمانتی وارنٹ کے زیر التوا معاملوں کو جلد حل کریں اور مجرمانہ رجحان کے لوگوں پر سی آر پی سی کی دفعہ 107 کے تحت کارروائی کویقینی بنائیں۔ اس سے متعلق رپورٹ روزانہ چیف الیکشن افسر کے دفتر پر بھیجیں۔

سویدھا ایپ میں ملی درخواستوں پر اجازت: مسٹر چوبے نے کہا کہ کسی پارلیمانی حلقہ کے کچھ حصہ دیگر ضلع میں واقع ہو تو اس صورت میں سی وجل پر آنے والی شکایات اور سویدھا ایپ کے ذریعے مانگی جانے والی اجازت کے سلسلے میں متعلقہ ڈپٹی الیکشن افسر حل کیلئے قابل اتھارٹی ہوں گے۔

کال آپریٹر کو بنائیں مضبوط: منیش رنجن، ایڈیشنل چیف الیکشن افسر نے بتایا کہ ووٹر ہیلپ لائن نمبر 1950 پر آنے والے کالز کی تعداد میں کافی اضافہ ہوا ہے۔ اس ہیلپ لائن نمبر پر پوچھے جانے والے سوالات کا درست جواب دینے کیلئے کال آپریٹروں کو زیادہ بااختیار بنانے کے لئے تربیت دینے اور اپنی سطح سے اس کامعائنہ کرنے کی ہدایت ضلع الیکشن افسروں کو دی گئی۔ مسٹر رنجن نے بتایا کہ ایک ہفتے کے اندر تمام ووٹر ہیلپ کال سینٹروں پر آئی  وی  آر ایس قائم کر دیا جائے گا۔ اس کال ویٹنگ سہولت، کال کی لاگ بک وغیرہ ممکن ہو پائے گی۔

رپورٹ کو لے کر ایک افسر کو ذمہ داری دیں : مسٹر رنجن نے ضلع الیکشن افسروں کو الیکشن کمیشن کی طرف سے جاری ہدایات پر وقت پر تعمیل یقینی بنانے کو کہا۔ انہوں نے مشورہ دیا کہ ڈیش بورڈ پر چیف الیکشن افسر کو بھیجے جانے والی رپورٹ کو لے کر ایک افسر کو نمایاں ذمہ داری دی جا سکتی ہے تاکہ وہ مختلف سیلوں سے رپورٹ حاصل کر وقت پر الیکشن کمیشن اور چیف الیکشن افسرکو دستیاب کرائے۔

(فوٹو)