جديد بهارت

Jadeed Bharat

No. 1 Urdu Daily Newspaper of Jharkhand

E Paper

ePaper

جنوبی ایشیا


کابل: ہوٹل پر دہشت گرد حملہ، غیر ملکی سمیت چھ ہلاک

Sun, 21 Jan 2018

کابل: ہوٹل پر دہشت گرد حملہ، غیر ملکی سمیت چھ ہلاک

افغانستان کے دارالحکومت کابل کے ایک پرتعیش ہوٹل میں دہشت گردوں کے خلاف 12 گھنٹوں کی کارروائی کے بعد اتوار کی صبح سکیورٹی فورسز نے عمارت کو کلیئر کر دیا ہے۔ ہفتہ کو دیر گئے انٹرکانٹیننٹل ہوٹل پر دہشت گردوں نے حملہ کیا تھا اور رات بھر سکیورٹی فورسز کے ساتھ ان کی جھڑپ جاری رہی۔ حکام کے مطابق تمام پانچ حملہ آور مارے جا چکے ہیں جب کہ اس دوران ایک غیر ملکی خاتون سمیت چھ افراد ہلاک ہوئے۔ بتایا جاتا ہے کہ مرنے والوں میں پاکستانی ساحلی شہر کراچی کے لیے حال ہی میں نامزد کیے گئے افغان قونصل جنرل بھی شامل ہیں۔ اتوار کو وزارت داخلہ کے ایک ترجمان نصرت رحیمی نے وائس آف امریکہ کو بتایا کہ ہوٹل کی چھٹی منزل پر چھپے آخری دہشت گرد نے دن گیارہ بجے کے قریب کچھ کو بارودی مواد سے اڑا لیا جسے وہاں آگ بھڑک اٹھی۔ ان کے بقول اس حملے میں تین سکیورٹی اہلکاروں سمیت سات افراد زخمی ہوئے جب کہ 41 غیر ملکیوں سمیت 160 سے زائد افراد کو یہاں سے بحفاظت نکال لیا گیا۔ یہاں افغان فضائی کمپنی 'کے اے ایم' کے کارکنان بھی ٹھہرے ہوئے تھے جن میں سے متعدد تاحال لاپتا ہیں۔ ان افراد میں ونیزویلا اور یوکرین کے شہری بھی بتائے جاتے ہیں۔ طالبان عسکریت پسندوں نے اس حملے کی ذمہ داری قبول کرتے ہوئے کہا ہے کہ اس کا ہدف افغان اور امریکی سکیورٹی اہلکار تھے۔ یہ کابل کا دوسرا بڑا پرتعیش ہوٹل ہے اور ایک پہاڑی چوٹی پر واقع ہے اور یہاں عموماً سکیورٹی کے سخت انتظامات ہوتے ہیں۔ اسی ہوٹل کو 2011ء میں بھی شدت پسندوں نے نشانہ بنایا تھا۔ وزیر داخلہ وارث برمک نے ریڈیو فری یورپ کو بتایا کہ ایک پرائیویٹ سکیورٹی کمپنی نے دو ہفتے قبل ہی اس ہوٹل کی سکیورٹی سنبھالی تھی۔ ادھر پاکستان نے اس دہشت گرد حملے کی شدید مذمت کرتے ہوئے کہا ہے کہ دہشت گردی کسی بھی صورت قابل قبول نہیں۔ یہ امر قابل ذکر ہے کہ چند دن قبل ہی کابل میں امریکی سفارتخانے نے ایک انتباہ جاری کیا تھا جس میں ہوٹلوں پر دہشت گرد حملوں کی اطلاعات کا تذکرہ کیا گیا تھا۔


کابل کے ایک لگژری ہوٹل میں مسلح گروپ کا حملہ

Sat, 20 Jan 2018

کابل کے ایک لگژری ہوٹل میں مسلح گروپ کا حملہ

خبررساں ادارے اے ایف پی نے افغان حکام کے حوالے سے کہا ہے کہ چار مسلح حملہ آور عمارت کے اندر موجود ہیں ۔اور وہ مہمانوں کو پر فائرنگ کر  رہے ہیں۔


کشمیر میں ورکنگ باؤنڈری پر جھڑپیں جاری، مزید 6 افراد ہلاک

Sat, 20 Jan 2018

کشمیر میں ورکنگ باؤنڈری پر جھڑپیں جاری، مزید 6 افراد ہلاک

متنازعہ کشمیر میں پاک-بھارت سرحدوں پر طرفین کے درمیان ساعتی مقابلوں کی تاریخ پرانی ہے حالانکہ دونوں ملکوں کے درمیان نومبر 2003 میں فائر بندی کا ایک سمجھوتہ بھی ہوا تھا۔


کشمیر میں بھارت پاکستان سرحد پر تازہ جھڑپوں میں مزید چار افراد ہلاک

Fri, 19 Jan 2018

کشمیر میں بھارت پاکستان سرحد پر تازہ جھڑپوں میں مزید چار افراد ہلاک

کشیدہ صورت حال کے باعث دونوں جانب کی سرحدی آبادیوں کے سینکڑوں کنبے محفوظ مقامات کو منتقل ہو رہے ہیں۔


دہلی حکومت کو دھچکہ،20 ارکان اسمبلی کی نااہلی کا خطرہ

Fri, 19 Jan 2018

دہلی حکومت کو دھچکہ،20 ارکان اسمبلی کی نااہلی کا خطرہ

70 رکنی اسمبلی میں پارٹی کے ارکان کی تعداد 65 ہے۔ اگر20 ارکان نااہل قرار دے دیے جاتے ہیں تب بھی حکومت کے لیے کوئی خطرہ نہیں ہوگا۔


افغانستان میں داعش کے ابھرنے میں ہمارا کوئی ہاتھ نہیں، امریکہ

Fri, 19 Jan 2018

افغانستان میں داعش کے ابھرنے میں ہمارا کوئی ہاتھ نہیں، امریکہ

پچھلے سال حامد کرزئی نے کئی میڈیا گروپس کے ساتھ اپنے انٹرویوز میں جن میں وائس آف امریکہ بھی شامل ہے، یہ کہا تھا کہ امریکہ داعش کو اپنے ایک ہتھیار کے طور پر استعمال کر رہا ہے۔


کشمیر میں ورکنگ باؤنڈری پر تازہ جھڑپوں میں 4 افراد ہلاک، متعدد زخمی

Thu, 18 Jan 2018

کشمیر میں ورکنگ باؤنڈری پر تازہ جھڑپوں میں 4 افراد ہلاک، متعدد زخمی

جموں کے ایڈیشنل ڈپٹی کمشنر ارون شرما نے کہا کہ پاکستانی فائرنگ کا دندان شکن جواب دیا جا رہا ہے۔ انہوں نے کہا کہ فائرنگ اور جوابی فائرنگ کا تازہ واقعہ جموں کے قریب واقع رنبیر سنگھ پورہ علاقے میں پاک بھارت سرحد پر پیش آیا۔


بھارت کا بین البراعظمی بیلسٹک میزائل کا کامیاب تجربہ

Thu, 18 Jan 2018

بھارت کا بین البراعظمی  بیلسٹک میزائل کا کامیاب تجربہ

بھارت کا کہنا ہے کہ انہوں نے  ایک جدید ترین بین البراعظمی  بیلسٹک میزائل کا کامیاب تجربہ کیا ہے۔ بھارت کی وزارت دفاع نے جمعرات کے روز  اپنی ایک ٹویٹ میں کہا ہے   یہ میزائل مشرقی بھارتی ریاست اوڈیشا کے ساحلی جزیرے  عبدالکلام  سے داغا گیا۔ یہ میزائل اگنی فائیو آئی سی بی ایم قسم کا تھا۔ بھارت کے ایک اقتصادی جریدے ہندو بزنس لائن  نے اپنی رپورٹ میں کہا ہے کہ تین منزلہ میزائل کو ایک موبائل لانچر سے داغا گیا، جس نے تقریباً 5 ہزار کلومیٹر کا فاصلہ لگ بھگ 20 منٹ میں طے کیا۔ سن 2012 میں اگنی فائیو قسم کے میزائل متعارف کرائے جانے کے بعد یہ  اس کا پانچواں تجربہ تھا۔ اس سے پہلے ایک اور تجربہ پچھلے مہینے کیا گیا تھا۔


حافظ سعید اور متعدد کشمیریوں کےخلاف دہشت گردی کی مبینہ فنڈنگ کا مقدمہ

Thu, 18 Jan 2018

حافظ سعید اور متعدد کشمیریوں کےخلاف دہشت گردی کی مبینہ فنڈنگ کا مقدمہ

چارج شیٹ کے مطابق اس سازش میں حافظ سعید اور سید صلاح الدین کے ساتھ ساتھ سرکردہ کشمیری علیحدگی پسند شامل تھے۔


میانمار: ریاست راکھین میں پولیس فائرنگ سے 7 افراد ہلاک

Wed, 17 Jan 2018

میانمار: ریاست راکھین میں پولیس فائرنگ سے 7 افراد ہلاک

انسانی حقوق کی بین الاقوامی تنظیم  ایمنسٹی  انٹرنیشنل  نے سیکیورٹی فورس کے ہاتھوں  غیر مسلح افراد کے خلاف مہلک ہتھیاروں کے استعمال  کی آزادانہ تحقیقات کا مطالبہ کیا ہے۔


بھارتی کشمیر میں پیلٹ گن کے خلاف ایمنسٹی انٹرنیشنل کی پوسٹ کارڈ مہم

Tue, 16 Jan 2018

بھارتی کشمیر میں پیلٹ گن کے خلاف ایمنسٹی انٹرنیشنل کی پوسٹ کارڈ مہم

ایمنسٹی انٹرنیشنل کے مطابق پیلٹ شارٹ گن کے استعمال سے  نہ صرف کئی افراد کی جانیں گئی ہیں بلکہ سینکڑوں لو گوں کی، جن میں زیادہ تر نوجوان اور نوعمر لڑکے اور لڑکیاں شامل ہیں، بینائی مکمل یا جزوی طور پر متاثر ہوئی ہے۔


بھارتی حکومت نے حاجیوں کو دی جانے والی سبسڈی ختم کر دی

Tue, 16 Jan 2018

بھارتی حکومت نے حاجیوں کو دی جانے والی سبسڈی ختم کر دی

سبسڈی کا آغاز 1954 میں حکومت کے ایک فیصلے کے تحت کیا گیا تھا۔


روہنگیا پناہ گزین کیمپ میں شادی کی خوشیاں اور رونقیں

Mon, 15 Jan 2018

روہنگیا پناہ گزین کیمپ میں شادی کی خوشیاں اور رونقیں

شادی کی گہماگہمی اور خوشی میں بھی صدام اور شفیقہ کو مستقبل کا خوف ستا رہا تھا۔ صدام کے بقول ’ہم ابھی اپنی فیملی نہیں بنائیں گے۔ ہمیں یہاں رہنا ہے یا واپس میانمار جانا ہے، اس کا انتظارکریں گے۔ میں صرف اس صورت میں واپس جاؤں گا اگر مجھے میانمارکی قومیت ملے ۔‘


بھارت اور اسرائیل کے مابین 9 معاہدوں پر دستخط

Mon, 15 Jan 2018

بھارت اور اسرائیل کے مابین 9 معاہدوں پر دستخط

بھارت اور اسرائیل کے مابین دفاع، تیل اور گیس، قابل تجدید توانائی، سائبر سیکورٹی اور مشترکہ فلم سازی کے شعبوں سمیت متعدد شعبوں میں 9 معاہدوں پر دستخط ہوئے ہیں۔ اس سے قبل دونوں ملکوں کے وزرائے اعظم بنیامین نیتن یاہو اور نریندر مودی نے وفود کی سطح کے مذاکرات کیے۔ مذاکرات کے بعد ایک مشترکہ بیان جاری کیا گیا۔ اس موقع پر نریندر مودی نے نیتن یاہو کو ”میرا دوست بی بی“ اور نیتن یاہو نے مودی کو ”نریندر“ کہہ کر مخاطب کیا اور اپنے دوستانہ تعلق کا اظہار کیا۔ نیتن یاہو نے یہ کہتے ہوئے کہ مودی اسرائیل کا دورہ کرنے والے پہلے بھارتی وزیر اعظم ہیں، انھیں ایک انقلابی رہنما قرار دیا۔ جبکہ نریندر مودی نے کہا کہ میک ان انڈیا پروگرام کو فروغ دینے کے لیے بھارت نے اسرائیل کی اسلحہ ساز کمپنیوں کو یہاں تجارت کرنے کے لیے مدعو کیا ہے۔ انھوں نے مزید کہا کہ آنے والے دنوں میں دونوں ایک دوسرے کی ترقی اور عوام کی فلاح و بہبود کے لیے مل کر کام کریں گے۔ نیتن یاہو نے کہا کہ بھارت اور اسرائیل دو قدیم تہذیبیں ہیں اور ہمارے رشتے بہت خاص ہو گئے ہیں۔ انھوں نے اقوام متحدہ میں یروشلم کو اسرائیل کا دارالحکومت قرار دینے کے امریکی صدر کے فیصلے کے خلاف بھارت کے ووٹ پر کہا کہ اس سے ہمارے رشتوں پر کوئی فرق نہیں پڑے گا۔ بعض تجزیہ کاروں نے دونوں وزرائے اعظم کے ایک دوسرے کے ملک کے دورے کو باہمی رشتوں اور انسداد دہشت گردی کے لیے بہت اہم قرار دیا۔ جبکہ عالمی حالات پر گہری نظر رکھنے والے سینئر تجزیہ کار ڈاکٹر ظفر الاسلام خاں نے وائس آف امریکہ سے بات کرتے ہوئے کہا کہ اسرائیل کے پاس بھارت کو دینے کے لیے کچھ نہیں ہے۔ تاہم ان دوروں کی کچھ وجوہات ہیں۔ انھوں نے مزید کہا کہ” موجودہ حکومت مسلم مخالف سیاست کرتی ہے۔ بھارت امریکہ میں لابنگ کرنا چاہتا ہے۔ وہ جو ہتھیار امریکہ سے براہ راست نہیں خرید سکتا وہ اسرائیل کے توسط سے خریدتا ہے۔ ان چند وجوہات سے دونوں کے رشتے آگے بڑھ رہے ہیں۔ اگر اسی تناظر میں عرب ممالک سے بھارت کے رشتوں کو دیکھیں تو ساڑھے سات ملین بھارتی باشندے عرب ملکوں میں کام کرتے ہیں جس کی وجہ سے ہمیں وہاں سے سالانہ اربوں ڈالر غیر ملکی زرمبادلہ ملتا ہے۔ لہٰذا بھارت کو اسرائیل کو بہت زیادہ اہمیت نہیں دینا چاہیے۔ لیکن موجودہ حکومت کو یہ سب باتیں سوٹ کرتی ہیں“۔ ظفر الاسلام خاں نے اس بات پر اظہار افسوس کیا کہ پہلے تمام طبقات کے لوگ اسرائیل بھارت رشتوں کے خلاف مظاہرہ کرتے تھے مگر اب صرف مسلمان کرتے ہیں۔  دریں اثنا نیتن یاہو کے دورے کی مخالفت میں مختلف مقامات پر مظاہرے ہو رہے ہیں۔ نئی دہلی میں انڈیا گیٹ کے نزدیک بائیں بازو کا مظاہرہ ہوا جس میں پرکاش کرات اور ڈی راجہ جیسے سینئر کمیونسٹ لیڈروں نے بہت سخت الفاظ میں بھارت اسرائیل رشتوں کی مخالفت کی۔ اسی طرح متعدد تنظیموں نے ”یونائیٹڈ اگینسٹ ہیٹ“ مہم کے تحت اسرائیلی سفارت خانہ کے باہر مظاہر کیا اور اندیشہ ظاہر کیا کہ انسداد دہشت گردی کے نام پر اسرائیل کے تعاون سے مسلمانوں کو نشانہ بنایا جائے گا۔ دیگر مقامات سے بھی مظاہروں کی اطلاعات موصول ہو رہی ہیں۔ 


ترکی میں افغان امن مذاکرات میں طالبان کی شرکت کی تردید

Mon, 15 Jan 2018

ترکی میں افغان امن مذاکرات میں طالبان کی شرکت کی تردید

افغانستان کی حکومت کے مذاکرات کاروں اور طالبان کے نمائندوں کے درمیان ترکی میں "غیرسرکاری" سطح کی بات چیت کی اطلاعات سامنے آئی ہیں اور ان کا مقصد باضابطہ امن مذاکرات کی راہ ہموار کرنے کے لیے "طریقہ کار" وضع کرنا بتایا جاتا ہے۔ گفت و شنید کے شرکا نے افغان میڈیا کو بتایا کہ اس بات چیت کا اہتمام ترک حکومت کے تعاون سے کیا گیا۔ اطلاعات کے مطابق طالبان کے قطر میں واقع دفتر کے عہدیداروں اور دیگر عسکریت پسند گروپ اس بات چیت میں شریک ہوئے۔ افغان حکومت نے تاحال اس پر کسی ردعمل کا اظہار نہیں کیا ہے۔ لیکن طالبان کے ایک ترجمان ذبیح اللہ مجاہد نے ان مذاکرات کی اطلاعات کو مسترد کیا ہے۔ ترکی میں ان مذاکرات کی اطلاعات ایک ایسے وقت سامنے آئی ہیں جب اقوام متحدہ کی سکیورٹی کونسل کا ایک وفد سلامتی اور سیاسی امور پر افغان راہنماؤں سے بات چت کے لیے کابل آیا ہوا ہے۔ اس 15 رکنی مہمان وفد کی سلامتی کو مدنظر رکھتے ہوئے افغان دارالحکومت میں سکیورٹی کے انتہائی سخت انتظامات کیے گئے۔ یہ ملاقاتیں ایسے وقت ہو رہی ہیں جب افغانستان میں سلامتی کی صورتحال میں ابتری دیکھی جا رہی ہے اور افغان فورسز اور طالبان عسکریت پسندوں کے درمیان لڑائی اور مڈبھیڑ ہو رہی ہے۔ اسی اثناء میں افغانستان کے سیاسی منظر نامے پر بھی کشیدگی دیکھنے میں آ رہی ہے۔ شمالی صوبے بلخ کے گورنر نے صدارتی حکم کے باوجود اپنا منصب چھوڑنے سے انکار کر دیا ہے۔ صدر نے انھیں ایک ماہ قبل برطرف کرتے ہوئے نیا گورنر بھی تعینات کرنے کا حکم جاری کیا تھا۔ عطا محمد نور گزشتہ 13 سال سے زائد عرصے سے صوبے کا اقتدار سنبھالے ہوئے ہیں اور ان کا اصرار ہے کہ صدر اشرف غنی کو انھیں ہٹانے کا اختیار نہیں ہے۔ نور کا موقف ہے کہ ان کی پارٹی جماعت اسلامی مرکز کی اتحادی حکومت کی اہم رکن ہے اور انھوں نے صدر غنی سے چند مطالبات کر رکھے جن کے پورا نہ ہونے کی صورت میں وہ اپنا عہدہ نہیں چھوڑیں گے۔ افغان حکومت آئندہ ماہ کے اوائل میں ایک بین الاقوامی کانفرنس منعقد کرنے جا رہی ہے جس میں توقع ہے کہ افغان فورسز اور ان کے بین الاقوامی اتحادیوں سے لڑائی میں مصروف مسلح گروپوں سے امن بات چیت کے لیے "جامع حکمت عملی" پیش کی جائے گی۔


سلامتی کونسل کے 15 رکنی وفد کا دورہ افغانستان

Mon, 15 Jan 2018

سلامتی کونسل کے 15 رکنی وفد کا دورہ افغانستان

سلامتی کونسل کے وفد نے سرکاری عہدیداروں کے علاوہ سول سوسائٹی کے نمائندوں بشمول خواتین نمائندوں سے بھی ملاقاتیں کیں۔


بھارتی کشمیر میں عام ہڑتال کے دوران مظاہرے اور تشدد

Sat, 13 Jan 2018

بھارتی کشمیر میں عام ہڑتال کے دوران مظاہرے اور تشدد

حفاظتی دستوں نے مظاہرین کے خلاف طاقت استعمال کی۔ بعد میں پتھراؤ کرنے والے ہجوموں اور حفاظتی دستوں کے درمیان جھڑپیں ہوئیں۔


امریکی فضائی حملے میں افغان ملیشیا کے متعدد اہل کار ہلاک

Fri, 12 Jan 2018

امریکی فضائی حملے میں  افغان ملیشیا کے متعدد اہل کار ہلاک

أفغانستان میں سرگرم نیٹو کے مشن نے فوری طور پر فضائی حملے کے بارے میں کوئی رپورٹ جاری نہیں کی۔ تاہم ان کا یہ کہنا ہے کہ علاقے میں زمینی فوجی کارروائیاں جاری ہیں۔


پاکستان کے لیے امریکی سیکیورٹی امداد کی معطلی پر بھارت کا ملا جلا رد عمل

Fri, 12 Jan 2018

پاکستان کے لیے امریکی سیکیورٹی امداد کی معطلی پر بھارت کا ملا جلا رد عمل

بھارت میں بہت سے لوگ یہ محسوس کرتے ہیں کہ واشنگٹن کا مسئلہ یہ یقینی بنانا ہے کہ اسلام آباد حقانی نیٹ ورکس جیسے گروپس کے خلاف کارروائی کرے جو أفغانستان کو ہدف بناتے ہیں۔


بھارت: چیف جسٹس کے خلاف سپریم کورٹ کے چار ججوں کی پریس کانفرنس

Fri, 12 Jan 2018

بھارت: چیف جسٹس کے خلاف سپریم کورٹ کے چار ججوں کی پریس کانفرنس

پریس کانفرنس کے دوران ججوں کا کہنا تھا کہ انھیں سہراب الدین جعلی مقابلے کی تحقیقات کرنے والے جسٹس بی ایچ لویا کی پراسرار موت کے معاملے کو ایک جونیئر بینچ کے سپرد کرنے پر بھی تحفظات ہیں۔